Futbol bo‘yicha O‘zbekiston Superligasining 19-turida “Metallurg” va “So‘g‘diyona” jamoalari 18-sentabr, yakshanba kuni o‘zaro bahs olib bordi.
Uchrashuvning 29-daqiqasida Bektemir Abdumannonov penaltini aniq amalga oshirgan holda maydon egalarini oldinga olib chiqdi. Birinchi bo‘lim yakunlanishi arafasida Abdujalil Manazarov muvozanatni tikladi.
Ikkinchi bo‘limga hakam tomonidan qo‘shib berilgan daqiqalarda Jizzax klubi darvozasi tomon penalti belgilandi. Uni Abdumannonov muvaffaqiyatli amalga oshirib, bekobodliklarga g‘alaba keltirdi.
Ushbu g‘alabadan keyin ochkolarini 23 taga yetkazib olgan “Metallurg” 8-o‘ringa ko‘tarildi. “So‘g‘diyona” (32) esa 4-pog‘onada bormoqda.
Superliga
19-tur bahsi
18-sentabr, yakshanba
“Metallurg” — “So‘g‘diyona” 2:1
Gollar: 1:0 – 29, penalti Abdumannonov, 1:1 – 45+1 Manazarov 45+1, 2:1 – 90+5, penalti Abdumannonov.“Metallurg”: 87.Akmal Ortiqov, 6.Xudoyshukur Sattorov, 7.Bobur Farhodov (94.Farhod Bekmuratov, 46), 9.Zabihillo O‘rinboyev (16.Jasur Xolto‘rayev, 75), 10.Bektemir Abdumannonov (8.Behruz Shodmonov, 90+8), 14.Abror Toshqo‘ziyev (19.Ergash Ismoilov, 75), 18.Anvarjon G‘ofurov, 22.Shohzod G‘ofurbekov, 30.Ibrohim Ibragimov, 80.Farrux Ibrohimov, 97.Muhammadali Aliqulov.
“So‘g‘diyona”: 27.Milan Mitrovich, 2.Sardor Qulmatov, 6.Iskandar Shayqulov, 7.Shahboz Jo‘rabekov (17.Husniddin G‘ofurov, 59), 10.Shohruz Norxonov (28.Samandar Mavlonqulov, 85), 12.Xislat Xalilov (9.Shavkat Salomov, 46), 19.Javohir Qahramonov, 21.Abdujalil Manazarov, 26.Vitaliy Denisov, 31.Luka Chermel, 44.Yure Obshivats.
Ogohlantirishlar: Jo‘rabekov (42), Ibragimov (45+3), Qahramonov (45+3), Bekmurodov (56), G‘ofurov (65), Manazarov (90+4).
Chetlatish: Shoyqulov (90+8).
Izoh (0)