Futbol bo‘yicha Italiya A Seriyasining 7-turida “Yuventus” 18-sentabr, yakshanba kuni “Monsa” mehmoni bo‘ldi.
Birinchi bo‘lim yakuniga yaqin turinliklar bir o‘yinchi kam bo‘lib qoldi: Anxel di Mariya raqibiga tirsak bilan zarba bergani uchun maydondan chetlatildi.
74-daqiqada Kristian Gyutkyayer maydon egalarini oldinga olib chiqdi. Shu bilan o‘yin yakuniga qadar hisob o‘zgarmadi.
G‘alabasiz seriyasini uchtaga yetkazgan “keksa sinyora” 10 ochko bilan 8-o‘rinda qoldi. Mavsumdagi ilk g‘alabasini qo‘lga kiritgan “Monsa” esa 4 ochko bilan 18-pog‘onaga ko‘tarildi.
Parallel kechgan bahslarda “Latsio” safarda “Kremoneze”ni yirik hisobda yenggan bo‘lsa, “Fiorentina” o‘z uyida “Verona”dan ustun keldi.
A Seriya
7-tur bahslari
18-sentabr, yakshanba
“Monsa” – “Yuventus” 1:0
Gol: 1:0 – 74 Gyutkyayer.“Monsa”: Di Gregorio, Mari, Itsso, Marlon (Kaldirola, 55), Karlos Augusto (Birindelli, 85), Sensi (Barberis, 54), Pessina, Rovella, Churria, Kaprari (Kolpani, 70), Mota (Gyutkyayer, 55).
“Yuventus”: Perin, De Shilyo (Soule, 86), Bremer, Gatti, Danilo, Paredes, Makkenni, Miretti (Fajoli, 86), Di Mariya, Kostich (Kin, 78), Vlahovich.
Ogohlantirishlar: Bremer (22), Churria (89), Kaldirola (90).
Chetlatish: Di Mariya (40).
Izoh (0)