Gennadiy Golovkin “Kanelo”ga qarshi jang haqida: “Xato qildim, hammasi yaxshi tomonga o‘zgarganda esa kech bo‘lgandi”

O‘rta vazn toifasida IBF va WBA kamarlari sohibi Gennadiy Golovkin super o‘rta vaznning mutlaq chempioni Saul Alvaresga qarshi o‘tgan jangdagi mag‘lubiyatidan keyin o‘z fikrlari bilan o‘rtoqlashdi.

Jang borasida

Bu juda aqlli jang bo‘ldi, unda juda ko‘p taktika bor, xuddi shaxmatda bo‘lgani kabi. Bu bahsda “Kanelo” yaxshiroq chiqdi.

Bellashuvning ikkinchi qismida jang borishini o‘zgartirishga urindim. O‘zimni yomon his qilmadim. Yaxshi jang bo‘ldi

Barcha biladi, bu yuqori daraja, boksdagi eng yaxshi bellashuv. “Kanelo” kim ekanini hamma biladi. Har bir noto‘g‘ri qo‘yilgan qadam va jang yakunlanadi.

Agar zarba o‘tkazib yuborsang, u holda jang tugaydi. Ikkimizning yuzimizga boqing, ular toza. Chunki bizda yuqori darajadagi tayyorgarlik bo‘ldi va uni jangda namoyish qildik.

Jangdagi xatosi haqida

Men tomondan yo‘lga qo‘yilgan xato hammasini asta-sekinlik bilan boshlash bo‘ldi. Jang qanday o‘tishi va qay tariqa rivoj topishini ko‘rmoqchi bo‘ldim.

Ikkimiz ham kuzatuvdan boshladik va bu jarayon cho‘zilib ketdi. Hammasi o‘xshashni boshlaganda esa allaqachon kech bo‘lgandi.

“Kanelo” bilan dushmanlik haqida

Bizning dushmanligimiz yuz foiz tugadi. Bu xuddi basketboldagi kabi, Lebron va Kobe, Maykl Jordan va Kobe qarama-qarshiligiga o‘xshaydi.

Kelajagi borasida

Faoliyatimni davom ettiraman, bunga shak-shubha yo‘q. Menda ajoyib reja bor.

Alvares va boks muxlislarini tabriklayman. Menda o‘rta vaznning uchta kamari borligi yodingizda bo‘lsa kerak. Men qaytaman. Hamon chempionman, yigitlar.

Gennadiy Golovkin, bokschi