“Lokomotiv” o‘z tarixida ilk bor “Surxon”ga yutqazdi

“Surxon”  O‘zbekiston Superligasining 19-turida “Lokomotiv”ni 2:1 hisobida mag‘lubiyatga uchratdi.

Termizliklar o‘z tarixida ilk bor “Lokomotiv”dan ustun keldi. Bundan avval jamoalar o‘zaro 9 marta to‘qnash kelgan bo‘lib, ularning 5 tasida “temiryo‘lchilar”ning qo‘li baland kelgan bo‘lsa, to‘rttasida durang qayd etilgan.

Shuningdek, “Surxon”ning Superligadagi 7 o‘yindan iborat g‘alabasiz seriyasi yakunlandi. So‘nggi bor Surxondaryo jamoasi 18-iyun kuni “Dinamo”ni mag‘lubiyatga uchratgandi.

“Surxon” 19-turdan keyin 16 ochko jamg‘argan holda musobaqa jadvalining 13-pog‘onasida bormoqda. “Lokomotiv” esa 19 ochko bilan 11-o‘rindan joy olgan.