Futbol bo‘yicha O‘zbekiston Superligasining 19-turida “Qizilqum” “Navbahor”ga qarshi bahsda 0:1 hisobida mag‘lub bo‘ldi. Uchrashuvdan so‘ng mehmonlar bosh murabbiyi Nikola Lazarevich matbuot anjumanida ishtirok etdi.
O‘yin haqidaUchrashuvning 87-daqiqasida “Navbahor” jarima maydonida ichida to‘p himoyachining qo‘liga tegdi, biroq hakam VARga murojaat qilib, penalti yo‘qligini ta’kidladi. Navoiyliklar bosh murabbiyi aynan ushbu vaziyatni keskin tanqid ostiga oldi.Bilasizmi, shuni ta’kidlashim kerakki, mavsum oldidan “Navbahor”ning o‘yinlarini, tayyorgarligini tomosha qilganimdayoq ularni chempionlik uchun asosiy da’vogarlardan biri deb aytgandim. Buni tan olishim lozim. Ammo bundan keyin nimalar yuz bergani borasida savollar bor. Oxirgi uch o‘yinda hakamlik borasida tushunarsiz savollar ko‘payib ketmoqda. Bu yerda hakamlik qanday bo‘lsa shunday. Bu hammaga ayon. O‘zbekistonliklarning barchasi bu yerdagi hakamlik qanday ekanligini yaxshi biladi.
Bugungi o‘yinga kelsak, bizga qiyin bo‘lishini oldindan bilgandik. Ikki safardan beri buni ko‘rmoqdamiz, uchinchisida hayron qolish shart emas. Men Namangan rahbariyatini hurmat qilaman. Siz borayotgan yo‘l to‘g‘rimi? Namanganlik muxlislar, sizlarni hurmat qilaman, qo‘llab-quvvatlayman. Sizdan ham shuni so‘ramoqchiman. Yaxshi, chempion bo‘lishingiz mumkin. Ammo siz chempion bo‘lmoqchi bo‘lgan yo‘l to‘g‘rimi? Siz butun mavsum davomida jamoani tortib yurgan ayrim kimsalarning yordamidan ko‘ra ancha yaxshirog‘iga loyiqsiz.
Maydonda hammasi ko‘rinib turibdi. Videoda ham hammasi aniq ko‘rinib turibdi. Yana bir marta muxlislardan so‘ramoqchiman: shu tarzda chempion bo‘lmoqchimisiz? Mana shu yo‘l orqali chempion bo‘lmoqchimisiz? Chempionlikka munosib ekanligingizga umuman shubham yo‘q. Sizda yaxshi jamoa, murabbiylar, zaxira o‘yinchilari bor. Chin dildan gapiryapman. Siz bu tarzda chempion bo‘lishga loyiq emassiz.
O‘zbekistonda istalgancha chempion bo‘lishingiz mumkin, ammo OCHLda bunday bo‘lmaydi. To‘g‘ri tushuning, biz xorijlikmiz. Bu yerga ishlash uchun kelganmiz. Bu yerdagi vaziyatni his qilganimizdan so‘ng bizda hech qanday umid qolmaydi. Pulimizni ishlaymiz va uyimizga qaytib ketamiz. Barcha muammolar esa sizlar bilan qoladi. Bu muammolar bugun paydo bo‘lib qolmagan buni yaxshi bilasiz. Muammolar 10, 15 balki 20 yillik muammolar. Men yana qaytaraman, bu yerda iste’dodlar juda ko‘p. Millat sifatida iste’dodlarga to‘lasiz. Sizlarga bunday yo‘ldan yurish kerak emas. Siz to‘g‘ri yo‘ldan yurishingiz, rivojlanishingiz kerak. Shundagina ertaga Osiyo chempioni, Jahon chempionati ishtirokchisi bo‘lishingiz mumkin.
U aytayotgan boshqa yo‘l qaysiligi haqida
Faqat halol futbol. Hech qanday hakamlarning aralashuvisiz toza futbol. Men shunchaki o‘z fikrimni aytdim. Bugun borman ertaga yo‘q. Namangan emas umuman o‘zbek futboli haqida gapiryapman. Balki xato qilayotgandirman.
Izoh (0)