Boks bo‘yicha super o‘rta vazn toifasi mutlaq chempioni Saul Alvares (57-2-2, 39 KO) va Gennadiy Golovkin (42-1-1, 37 KO) nigohlar to‘qnashuvida ishtirok etdi.
Ular o‘rtasidagi jang 17-sentabr (O‘zbekiston vaqti bilan 18-sentabr tongi) kuni Las-Vegasdagi (AQSH, Nevada shtati) T-Mobile arenasida bo‘lib o‘tadi.
Jang oldidan sportchilar o‘z fikrlarini bildirib o‘tdi.
Hamma narsaga ishonaman. G‘alabamga, o‘zimga, jamoamga, meni qo‘llab-quvvatlaydigan odamlarga, oilamga ishonaman. Bu mening hayotim, haqiqiy hayotim.Ikkalamiz ham professional sportchilarmiz. Uning strategiyasi tajovuzkorroq, meniki esa tajribaga tayanilgan. Ko‘rishguncha. Ring kim yaxshiroq ekanligini ko‘rsatadi. Bu biz uchun eng katta jang hisoblanadi.
Bu vazn toifasi men uchun yangi qadam, avvalgisida uchta kamarga ega chiqqanman. Hamma narsa o‘zgaradi, hayotda hamma narsa bo‘lishi mumkin.
Gennadiy Golovkin, bokschi
Ringga qaytganimdan xursandman. Juda ruhlangan holda qaytdim. Mag‘lubiyat og‘ir bo‘ldi, biroq biz yanada kuchliroq bo‘ldik.Qo‘llab-quvvatlagan barchaga minnatdorchiligimni bildiraman. Shanba kuni mening eng kuchli taraflarimni ko‘rasiz.
O‘zimni bosim ostida yaxshiroq ishlayotgandek his qilyapman va o‘zimga yana bir bosim qilmoqchiman, jangni 12-raunddan oldinroq tugatish. Golovkinni nokautga uchratish qiyin, biroq men bor kuchim bilan harakat qilaman.
Bilaman, juda qiyin bo‘ladi, lekin hayotda hech narsaga osonlikcha erishib bo‘lmaydi. Har doim qiyin narsalarga erishish uchun harakat qilganman.
Qarshimda kuchli va aqlli raqib turibdi, biroq shanba oqshomida uni mag‘lub etish asosiy maqsadim bo‘ladi.
Saul Alvares, bokschi
Saul Alvares va Gennadiy Golovkin o‘rtasidagi birinchi jang 2017-yil 16-sentabrida tashkil etilgan, unda durang qayd etilgan. Ikkinchi jang esa 2018-yil 15-sentabrda bo‘lib o‘tgan. Unda Saul Alvaresning qo‘li baland kelgan.
“Kanelo” so‘nggi jangini 8-may kuni og‘ir vazn toifasida WBO kamari sohibi Dmitriy Bivolga (20-0, 11 KO) qarshi o‘tkazib, mag‘lub bo‘lgandi.
“GGG” esa 9-aprel kuni WBA chempioni yaponiyalik Riota Murata (16-2, 13 KO) bilan birlashtiruvchi jangda ringga ko‘tarilgan. Jangda qozog‘istonlik bokschi ustunlikka ega bo‘lgan va 9-raundda texnik nokaut evaziga g‘alaba qozongan.
Izoh (0)