Yevropa Ittifoqi (YI) Ukrainaga maktablarni qayta tiklash uchun 100 million yevro ajratadi. Bu haqda Yevrokomissiya rahbari Ursula fon der Lyayen Ukraina prezidenti Vladimir Zelenskiy bilan bo‘lib o‘tgan matbuot anjumanida ma’lum qilgan.
Yevropa Ittifoqi maktablarni qayta qurish uchun yana 100 million yevro ajratadi. Shuningdek, eslatib o‘tmoqchimanki, YI ichki ko‘chirilgan odamlarni ta’minlash uchun 150 million yevro ajratgan, — dedi u.
Uning so‘zlariga ko‘ra, Yevropa Ittifoqi davlatlaridan allaqachon 5 millionga yaqin qochqin Ukrainaga qaytgan.
Shuningdek, YI oktabr oyi boshida mamlakatga 5 milliard yevro miqdoridagi makromoliyaviy yordamning tasdiqlangan transhi bo‘yicha kelishib olish niyatida ekani ta’kidlandi.
Avvalroq Ukraina AQSHdan gaz sotib olish uchun 1,5 milliard dollar kredit so‘ragani haqida xabar berilgandi.
Izoh (0)