Европа Иттифоқи (ЕИ) Украинага мактабларни қайта тиклаш учун 100 миллион евро ажратади. Бу ҳақда Еврокомиссия раҳбари Урсула фон дер Ляен Украина президенти Владимир Зеленский билан бўлиб ўтган матбуот анжуманида маълум қилган.
Европа Иттифоқи мактабларни қайта қуриш учун яна 100 миллион евро ажратади. Шунингдек, эслатиб ўтмоқчиманки, ЕИ ички кўчирилган одамларни таъминлаш учун 150 миллион евро ажратган, — деди у.
Унинг сўзларига кўра, Европа Иттифоқи давлатларидан аллақачон 5 миллионга яқин қочқин Украинага қайтган.
Шунингдек, ЕИ октябрь ойи бошида мамлакатга 5 миллиард евро миқдоридаги макромолиявий ёрдамнинг тасдиқланган транши бўйича келишиб олиш ниятида экани таъкидланди.
Аввалроқ Украина АҚШдан газ сотиб олиш учун 1,5 миллиард доллар кредит сўрагани ҳақида хабар берилганди.
Изоҳ (0)