“Gazprom” suyultirilgan gaz narxining o‘sishini prognoz qilmoqda

“Gazprom” ma’lumotlariga ko‘ra, hozircha hech bir ishlab chiqaruvchi Yevropaga gaz yetkazib berishni Rossiya kompaniyasi kabi tez va ko‘p miqdorda amalga oshira olmaydi. Bu haqda “Kommersant” xabar bermoqda.

“Gazprom” boshqaruvi raisi o‘rinbosari Oleg Aksyutinning fikricha, Yevropa va Osiyo o‘rtasidagi energiya bozoridagi raqobat LNG narxining oshishiga va resursning kam yetkazib berilishiga olib keladi.

Aksyutinning fikricha, muammoni “Shimoliy oqim 2” gaz quvurini ishga tushirish orqali hal qilish mumkin.

Shu bilan birga, Yevropa hozirgi kabi, osiyolik import qiluvchilar bilan ushbu xomashyo uchun qattiq raqobatlashishi kerak. Natijada, mavjud shart-sharoitlar jahon gaz bozorida LNG taqchilligining yuzaga kelishiga, bu esa narxlarning oshishiga sabab bo‘ladi, — dedi Sankt-Peterburgdagi “Gazprom” vakili.

Bugun, 15-sentabr kuni “Gazprom” ham MDHdan tashqari davlatlarga gaz eksporti kamaygani haqida xabar berdi (o‘tgan yilga nisbatan -38,8 foiz). Rossiya kompaniyasi ishlab chiqarish hajmini ham qisqartirdi (yillik hisobda -15,9 foiz).

Avvalroq Finlyandiya gaz iste’molini kamaytirish bo‘yicha Yevropa Ittifoqida rekord o‘rnatgani haqida xabar berilgandi.