ICE birjasi kotirovkalaridan ma’lum bo‘lishicha, Yevropa gazining birja narxi 1 000 kub metri uchun 1 971 dollargacha tushib ketdi, bu iyul oyining oxiridan beri eng past ko‘rsatkichdir. Bu haqda “Kommersant” xabar bermoqda.
Niderlandiyadagi TTF markazidagi oktabr fyucherslari MVt/soat uchun 191,5 yevrogacha tushdi.
Yevrokomissiya rahbari Ursula fon der Lyayen 7-sentabr kuni Rossiya gazi yetkazib berilishiga cheklov kiritish taklifini e’lon qilgandi.
Xususan, fon der Lyayen Yevropa davlatlariga Rossiyadan gaz uchun maksimal narxni joriy etishni va Yevropa Ittifoqida pik soatlarda elektr energiyasi iste’molini kamaytirishni taklif qilishni rejalashtirmoqda.
Fon der Lyayenning so‘zlariga ko‘ra, Ukrainadagi urushdan oldin YI tomonidan import qilinadigan barcha gazning 40 foizi Rossiya hissasiga to‘g‘ri kelgan. Endi bu ko‘rsatkich 9 foizga tushdi.
Izoh (0)