Germaniya iyul oyida Rossiyadan 2,9 milliard yevroga mahsulot import qilgan, chunki energiya narxining oshishi mamlakatning Rossiya bilan savdo-sotiqni to‘xtatishga urinishlarini puchga chiqargan. Bu haqda Reuters xabar bermoqda.
Germaniyaning Rossiyadan importi qiymati 2021-yilning iyuliga nisbatan 10,2 foizga oshgan.
Bu o‘sish asosan energetika sektoridagi narxlarning oshishi bilan izohlandi, chunki Rossiya gaz yetkazib berishni qisqartirgani Yevropaning eng yirik iqtisodiyotidagi uy xo‘jaliklari va kompaniyalar uchun energiya to‘lovlarini oshirmoqda.
Iyul oyida Germaniya Rossiyadan 1,4 milliard yevroga neft va tabiiy gaz import qildi, bu o‘tgan yilga nisbatan 1,6 foizga ko‘pdir.
Rossiya koks va neft mahsulotlari importi 0,5 milliard yevroga baholandi, bu 72,5 foizga o‘sishdir. Import qilingan Rossiya ko‘miri esa ikki barobardan ko‘proq o‘sib, 0,3 milliard yevroga yetdi.
Ma’lumotlarga ko‘ra, Rossiyadan import qiymati oshgan bo‘lsa-da, Germaniya iyul oyida ushbu mamlakatdan import qilinadigan tovarlarning umumiy hajmini 45,8 foizga kamaytirishga muvaffaq bo‘lgan.
Shu bilan birga, Germaniyaning Rossiyaga eksporti qiymati jihatidan 56,8 foizga kamaydi, chunki Germaniya AQSH, Fransiya va Niderlandiya bilan eksport biznesini kuchaytirdi.
Izoh (0)