Ukraina elektrostansiyalari bombardimon qilinmoqda. Balakleyalik qochqinlar. Rossiya armiyasi tashlab ketgan zirhli texnikalar. Urushning 200-kunidan fotoreportaj
Ukraina Qurolli kuchlarining Xarkov viloyatidagi keng ko‘lamli qarshi hujumidan so‘ng, 11-sentabr kuni Rossiya Ukraina shaharlarining fuqarolik infratuzilmasiga, birinchi navbatda Xarkovdagi 5-IESga (Ukrainaning eng yirik issiqlik va elektr stansiyalaridan biri) raketa zarbalarini berdi. Oqibatda birdaniga beshta viloyat: Xarkov, Sumi, Poltava, Dnepropetrovsk va Donetskda elektrsiz qoldi. Shu bilan birga, okkupatsiya ostidagi Zaporojye AESda oxirgi energoblok ham o‘chirildi. Ukrainaning ozod qilingan shaharlarida o‘nlab rus zirhli texnikalari shikastlangan yoki chekinish vaqtida tashlab ketilgan, butun va foydalanishga tayyor holda qolmoqda. Meduza urushning 200-kuniga oid asosiy kadrlarni jamladi.
Kunning asosiy voqeasi. Ukraina bo‘ylab infratuzilmaga zarbalar berildi
Ukraina favqulodda vaziyatlar davlat xizmati o‘t o‘chiruvchilari Xarkovdagi 5-IESda sodir bo‘lgan yong‘inni bartaraf etmoqda. 12-sentabrga o‘tar kechasi Rossiya elektr stansiyasiga raketa hujumi uyushtirdi. Oqibatda Xarkov va Donetsk viloyatlari elektrsiz qoldi.Foto: AP Photo
Xarkov 5-IESda Rossiya raketalari urilganidan keyingi yong‘in o‘chirilmoqda.Foto: AP Photo
Xarkov 5-IESga raketa hujumlaridan so‘ng shahar zim-ziyo bo‘lib qoldi.Foto: AP Photo
Balakleya yaqinidagi janglar oqibatlari
Balakleyadan chekinish paytida rus armiyasi tomonidan tashlab ketilgan zirhli mashinalar. Shahar Ukraina qo‘shinlari tomonidan 8-sentabr kuni Xarkov viloyatida muvaffaqiyatli o‘tkazilgan keng ko‘lamli qarshi hujum natijasida ozod qilingan edi.Foto: Ukraina Qurolli Kuchlari Bosh qo‘mondonligi matbuot xizmati
Ukrainalik askar Balakleya yo‘lida yonib ketgan rus tanki yonida.Foto: AP Photo
Balakleyaga olib boradigan ko‘prik. Inshoot shahar uchun janglar paytida vayron qilingan.Foto: Anadolu
Ukraina qo‘shinlari nazoratiga o‘tgan Izyumdan ilk kadrlar
10-sentabrga o‘tar kechasi Xarkov viloyatida muvaffaqiyatli keng ko‘lamli qarshi hujum paytida Ukraina qo‘shinlari tomonidan ozod qilingan Izyum shahri va unga qarab turgan velosipedchi.Foto: AFP
Izyum yo‘lidagi ko‘prik, u Xarkov viloyatida Ukraina qo‘shinlarining qarshi hujumi paytida vayron qilingan.Foto: AFP
Izyum Rossiya istilosidan ozod qilingan kunning ertasiga ko‘cha kezayotgan er-xotin.Foto: AFP
Izyumliklar vayron qilingan bino oldidan o‘tmoqda.Foto: AFP
Frontning har ikki tomonidagi qochqinlar
Ozod qilingan Balakleyada fuqarolar gumanitar yordam olmoqda.Foto: Anadolu
Ozod qilingan Xarkov viloyatidan kelgan qochqinlar Rossiyaning Ukraina bilan chegaradosh Belgorod viloyati Logachevka qishlog‘idagi vaqtinchalik joylashtirish markazida.Foto: “TASS”
Donetsk viloyati va Dneprda o‘qqa tutish oqibatlari
Politsiya xodimlari 12-sentabrga o‘tar kechasi Rossiyaning Donetsk viloyati Pokrovsk shahriga hujumi oqibatida halok bo‘lgan fuqaroning jasadini olib ketmoqda. Ukraina ommaviy axborot vositalari olti qurbon haqida xabar bermoqda.Foto: AP Photo
Pokrovskda yaxshovchi Aleksey Maksimenko Rossiya hujumidan zarar ko‘rgan uyida. 75 yoshli nafaqadagi konchi eshitish qobiliyatini yo‘qotgani sabab portlash ovozini eshitmagan. U uyg‘onganida rafiqasi Mariya Trutko vayronalar parchalari ostida edi.Foto: AP Photo
Pokrovskdagi Aleksey Maksimenko va Mariya Trutkoning uyidagi ovqatlanish stoli. U Rossiyaning shaharga raketa hujumi oqibatida devor parchalari bilan qoplangan.Foto: AP Photo
11-sentabrga o‘tar kechasi Rossiya raketasi kelib tushgan Dneprdagi bozor.Foto: Reuters
11-sentabrga o‘tar kechasi Rossiyaning Dneprga bergan raketa zarbasi oqibatlari. Viloyat hokimligi rahbari Valentin Reznichenkoning aytishicha, zarba aholi turar joylariga teggan. Bir kishi yaralangan.Foto: Telegram
Rossiyaning Dneprdagi aholi punktlariga zarbasi oqibatlari.Foto: Telegram
Dneprda raketa hujumi oqibatida shikastlangan binoning siniq oynadagi aksi.Foto: Reuters
49 yoshli bog‘cha tarbiyachisi Tamara Movchan Rossiyaning Nikolayevga raketa hujumi oqibatida zararlangan kvartirasida. Rossiya armiyasi 11-sentabrdan 12-sentabrga o‘tar kechasi shaharni o‘qqa tutdi, uch kishi yaralandi.Foto: Reuters
Dneprlik kishi Rossiyaning Nikolayev turar joylariga tungi hujumidan keyin kvartirasidagi narsalarni tartibga keltirmoqda.Foto: Reuters
Nikolayevdagi turar joylarga Rossiyaning raketa hujumi oqibatlari.Foto: Reuters
Energodar shahridagi okkupatsion ma’muriyat binosi
Zaporojye viloyatining Energodar shahrida okkupatsion ma’muriyat binosidagi xona. Viloyat va unda joylashgan Zaporojye AES mart oyidan beri Rossiya qo‘shinlari tomonidan nazorat qilinmoqda. Ukrainaning “Energoatom” kompaniyasi ma’lumotlariga ko‘ra, 11-sentabr kuni stansiya Ukraina elektr tarmog‘idan butunlay uzilgan.Foto: Anadolu
Izoh (0)