Turkiya prezidenti Rajab Toyyib Erdo‘g‘on Samarqandda rossiyalik hamkasbi Vladimir Putin bilan o‘tadigan uchrashuvda yana bir bor unga Vladimir Zelenskiy bilan uchrashishni taklif qiladi.
“Erdo‘g‘on va Putin uchrashuvining eng muhim mavzusi Ukrainadagi vaziyat bo‘ladi. Erdo‘g‘on rossiyalik hamkasbiga Turkiya vositachiligi orqali urushni tugatish va o‘t ochishni to‘xtatishga erishish uchun barcha sa’y-harakatlarini davom ettirishi haqidagi xabarni yetkazadi.
Putinga Turkiyada ikki mamlakat yetakchilari uchrashuvini o‘tkazish taklifini takroran beradigan Erdo‘g‘on muammoni diplomatik yo‘l bilan hal qilishga urg‘u beradi”, — deb yozdi Turkiyaning Hurriyet nashri.
Shuningdek, Turkiya va Rossiya Federatsiyasi rahbarlarining bo‘lajak shaxsiy uchrashuvida kun tartibidagi asosiy masalalardan biri “don yo‘lagi” haqida bo‘lishi xabar qilingan.
Izoh (0)