Украина электростанциялари бомбардимон қилинмоқда. Балаклеялик қочқинлар. Россия армияси ташлаб кетган зирҳли техникалар. Урушнинг 200-кунидан фоторепортаж
Украина Қуролли кучларининг Харьков вилоятидаги кенг кўламли қарши ҳужумидан сўнг, 11 сентябрь куни Россия Украина шаҳарларининг фуқаролик инфратузилмасига, биринчи навбатда Харьковдаги 5-ИЭСга (Украинанинг энг йирик иссиқлик ва электр станцияларидан бири) ракета зарбаларини берди. Оқибатда бирданига бешта вилоят: Харьков, Суми, Полтава, Днепропетровск ва Донецкда электрсиз қолди. Шу билан бирга, оккупация остидаги Запорожье АЭСда охирги энергоблок ҳам ўчирилди. Украинанинг озод қилинган шаҳарларида ўнлаб рус зирҳли техникалари шикастланган ёки чекиниш вақтида ташлаб кетилган, бутун ва фойдаланишга тайёр ҳолда қолмоқда. Meduza урушнинг 200-кунига оид асосий кадрларни жамлади.
Куннинг асосий воқеаси. Украина бўйлаб инфратузилмага зарбалар берилди
Украина фавқулодда вазиятлар давлат хизмати ўт ўчирувчилари Харьковдаги 5-ИЭСда содир бўлган ёнғинни бартараф этмоқда. 12 сентябрга ўтар кечаси Россия электр станциясига ракета ҳужуми уюштирди. Оқибатда Харьков ва Донецк вилоятлари электрсиз қолди.Фото: AP Photo
Харьков 5-ИЭСда Россия ракеталари урилганидан кейинги ёнғин ўчирилмоқда.Фото: AP Photo
Харьков 5-ИЭСга ракета ҳужумларидан сўнг шаҳар зим-зиё бўлиб қолди.Фото: AP Photo
Балаклея яқинидаги жанглар оқибатлари
Балаклеядан чекиниш пайтида рус армияси томонидан ташлаб кетилган зирҳли машиналар. Шаҳар Украина қўшинлари томонидан 8 сентябрь куни Харьков вилоятида муваффақиятли ўтказилган кенг кўламли қарши ҳужум натижасида озод қилинган эди.Фото: Украина Қуролли Кучлари Бош қўмондонлиги матбуот хизмати
Балаклеяга олиб борадиган кўприк. Иншоот шаҳар учун жанглар пайтида вайрон қилинган.Фото: Anadolu
Украина қўшинлари назоратига ўтган Изюмдан илк кадрлар
10 сентябрга ўтар кечаси Харьков вилоятида муваффақиятли кенг кўламли қарши ҳужум пайтида Украина қўшинлари томонидан озод қилинган Изюм шаҳри ва унга қараб турган велосипедчи.Фото: AFP
Изюм йўлидаги кўприк, у Харьков вилоятида Украина қўшинларининг қарши ҳужуми пайтида вайрон қилинган.Фото: AFP
Озод қилинган Балаклеяда фуқаролар гуманитар ёрдам олмоқда.Фото: Anadolu
Озод қилинган Харьков вилоятидан келган қочқинлар Россиянинг Украина билан чегарадош Белгород вилояти Логачевка қишлоғидаги вақтинчалик жойлаштириш марказида.Фото: «ТАСС»
Донецк вилояти ва Днепрда ўққа тутиш оқибатлари
Полиция ходимлари 12 сентябрга ўтар кечаси Россиянинг Донецк вилояти Покровск шаҳрига ҳужуми оқибатида ҳалок бўлган фуқаронинг жасадини олиб кетмоқда. Украина оммавий ахборот воситалари олти қурбон ҳақида хабар бермоқда.Фото: AP Photo
Покровскда яхшовчи Алексей Максименко Россия ҳужумидан зарар кўрган уйида. 75 ёшли нафақадаги кончи эшитиш қобилиятини йўқотгани сабаб портлаш овозини эшитмаган. У уйғонганида рафиқаси Мария Трутко вайроналар парчалари остида эди.Фото: AP Photo
Покровскдаги Алексей Максименко ва Мария Трутконинг уйидаги овқатланиш столи. У Россиянинг шаҳарга ракета ҳужуми оқибатида девор парчалари билан қопланган.Фото: AP Photo
11 сентябрга ўтар кечаси Россия ракетаси келиб тушган Днепрдаги бозор.Фото: Reuters
Запорожье вилоятининг Энергодар шаҳрида оккупацион маъмурият биносидаги хона. Вилоят ва унда жойлашган Запорожье АЭС март ойидан бери Россия қўшинлари томонидан назорат қилинмоқда. Украинанинг «Энергоатом» компанияси маълумотларига кўра, 11 сентябрь куни станция Украина электр тармоғидан бутунлай узилган.Фото: Anadolu
Изоҳ (0)