Hindistonda farzandini olib ketmoqchi bo‘lgan yo‘lbarsga qarshi kurashgan ayol og‘ir jarohatlar bilan kasalxonaga yotqizildi. Bu haqda USA Today yozmoqda.
Hindiston shimoli-sharqidagi Bandxavgarx qo‘riqxonasi chetida yuz bergan hodisada ayolning 15 oylik o‘g‘li ham boshidan jarohat olgan. Qo‘riqxonadan qochib ketgani taxmin qilinayotgan yo‘lbars ona o‘g‘li Ravirajni kulba tashqarisiga olib chiqqan payt chaqaloqqa hujum qilgan.
Yirtqich og‘zi bilan bolaning boshidan tishlab, uni sudrab ketmoqchi bo‘lgan. Ammo ona bor kuchi bilan yo‘lbarsga tashlangan. Uning yordam so‘rab baqirishlari yaqin atrofdagi aholi e’tiborini tortgan, ular tayoq bilan yugurib kelib, yirtqichni haydab yuborgan.
Ushbu to‘qnashuvdan so‘ng ayolning o‘pkasi va tanasi jiddiy jarohatlangan, o‘g‘li esa boshidan jarohat olgan. Shifokorning aytishicha, ikkalasi ham shifoxonaning jonlantirish bo‘limida davolanmoqda, ularga quturishga qarshi ukol qilingan.
Ayni paytda yo‘lbarsni qo‘riqxonaga qaytarish uchun uni qidirish ishlari olib borilmoqda.
Izoh (0)