O‘zbekiston va Shvetsiya musiqa ta’lim muassasalari o‘rtasida hamkorlikni yo‘lga qo‘yadi

O‘zbekistonning Shvetsiyadagi muvaqqat ishlar vakili Nodir G‘aniyev Stokgolmdagi Qirollik Musiqa akademiyasida bo‘lib, ushbu oliy o‘quv yurti faoliyati bilan tanishdi. Bu haqda Dunyo axborot agentligi xabar qildi.

Qayd etilishicha, akademiya rektorining xalqaro hamkorlik bo‘yicha katta maslahatchisi, professor Staffan Sheyya bilan bo‘lib o‘tgan suhbat chog‘ida unga O‘zbekistonda ta’lim sohasida, jumladan, musiqa san’ati sohasida ijodiy kadrlar tayyorlash borasida amalga oshirilayotgan ishlar haqidagi atroflicha ma’lumotlar taqdim etilgan.

Muzokaralar natijasida Qirollik Musiqa akademiyasi va O‘zbekiston musiqa ta’lim muassasalari o‘rtasida o‘zaro hamkorlikni yo‘lga qo‘yish masalalarini birgalikda ishlab chiqish bo‘yicha kelishuvga erishilgan.