Ўзбекистоннинг Швециядаги муваққат ишлар вакили Нодир Ғаниев Стокгольмдаги Қироллик Мусиқа академиясида бўлиб, ушбу олий ўқув юрти фаолияти билан танишди. Бу ҳақда Дунё ахборот агентлиги хабар қилди.
Қайд этилишича, академия ректорининг халқаро ҳамкорлик бўйича катта маслаҳатчиси, профессор Стаффан Шейя билан бўлиб ўтган суҳбат чоғида унга Ўзбекистонда таълим соҳасида, жумладан, мусиқа санъати соҳасида ижодий кадрлар тайёрлаш борасида амалга оширилаётган ишлар ҳақидаги атрофлича маълумотлар тақдим этилган.
Музокаралар натижасида Қироллик Мусиқа академияси ва Ўзбекистон мусиқа таълим муассасалари ўртасида ўзаро ҳамкорликни йўлга қўйиш масалаларини биргаликда ишлаб чиқиш бўйича келишувга эришилган.
Изоҳ (0)