Jahondagi eng yirik zaytun moyi ishlab chiqaruvchi Ispaniyadagi Xaen viloyatida hozirgi ob-havo sharoiti shunday davom etsa, kelgusidagi zaytun hosili boy berilishi sababli yo‘qotishlar 1 mlrd yevrogacha yetishi mumkin. Bu haqda AgroPortal’ga tayanib EastFruit xabar bermoqda.
Tashkilotda aytilishicha, provinsiya kelgusi qishloq xo‘jaligi yilida 230 ming tonna zaytun yog‘i ishlab chiqaradi, bu 2021/22-yillardagi qariyb 500 ming tonnadan 2,2 barobar kamdir.
Mintaqa qurg‘oqchilikdan aziyat chekmoqda va hosil past bo‘lishi kutilyapti. Agar yig‘im-terimga qadar yomg‘ir yog‘masa, muammo yanada kattalashishi mumkin.
Ishlab chiqarishning pasayishi og‘ir iqtisodiy oqibatlarga olib keladi. 2022-yilda o‘g‘itlar, fitosanitariya mahsulotlari va energiya narxlari qimmatlashi natijasida ishlab chiqarish xarajatlari sezilarli darajada oshdi.
Buning oqibatida, Ispaniya federal hukumati oktabr oyida hosil yig‘im-terim boshlanishidan avval ushbu resurslar uchun soliqlarni kamaytirishga chaqirildi.
Bundan tashqari suvdan foydalanish borasidagi cheklovlar provinsiyadagi lalmi daraxtzorlarga ta’sir qilgani aytilmoqda.
Avvalroq Portugaliyada mevalar daraxtning o‘zida qurib, uzumlar mayizga aylanib qolayotgani haqida xabar berilgan edi.
Izoh (0)