O‘zbekiston iste’mol bozorlarida talab va taklifga ta’sir ko‘rsatuvchi ichki va tashqi iqtisodiy omillar hisobiga narxlarga bo‘lgan bosim yuqoriligicha qolmoqda. Bu haqda Markaziy bank xabar bermoqda.
Avgust oyida yillik inflyatsiya sur’ati 12,3 foizni tashkil etdi. Iyul oyida 0,1 foizlik deflyatsiya qayd etilgandi.
Yillik inflyatsiya tarkibida oziq-ovqat mahsulotlari narxlari 16,3 foizga oshgan bo‘lsa, nooziq-ovqat tovarlari va xizmatlar mos ravishda 10,9 va 7,1 foizga qimmatlashdi.
Avgust oyi natijalariga ko‘ra, aholining kelgusi 12 oy uchun inflyatsion kutilmalari 15,3 foizgacha, tadbirkorlarning kutilmalari – 14,1 foizgacha pasaygan bo‘lsa-da, joriy inflyatsiya sur’atlariga nisbatan yuqoriligicha qolmoqda.
Shuningdek, joriy yil davomida shakllangan bazaviy inflyatsiyaning o‘suvchi trendi ham iqtisodiyotda inflyatsion xatarlar saqlanib qolayotganini ko‘rsatmoqda.
Yillik bazaviy inflyatsiya avgustda 12,4 foizni tashkil etib, uning umumiy inflyatsiyadagi hissasi 9,4 foiz bandgacha oshdi.
Avvalroq O‘zbekistonda asosiy stavka 15 foiz darajasida o‘zgarishsiz qoldirilgani haqida xabar berilgandi.
Izoh (0)