O‘zbekistondan Belarusga quritilgan sabzavot va mevalar yetkazib beriladi. Bu haqda EastFruit xabar bermoqda.
O‘zbekiston elchixonasi vakili Belarus poytaxtida “Belgospischeprom” konserni raisi o‘rinbosari bilan uchrashdi. Unda O‘zbekistonda ishlab chiqarilayotgan oziq-ovqat va meva-sabzavot mahsulotlari haqida batafsil ma’lumot berildi.
Xususan, konsern tarkibiga kiruvchi korxonalarga O‘zbekistondan quritilgan va qayta ishlangan meva-sabzavot mahsulotlarini yetkazib berish, o‘zaro manfaatli hamkorlikni kengaytirish, tovar ayirboshlash hajmini yanada oshirishga alohida e’tibor qaratildi.
Oziq-ovqat mahsulotlarini ishlab chiqarish bo‘yicha tajriba almashish, oziq-ovqat sanoati sohasida yangi texnologiyalarni o‘rganish maqsadida ikki tomonlama ishchi tashriflar tashkil etish to‘g‘risida qaror qabul qilindi.
Avvalroq qayta ishlangan meva-sabzavotlarning jahon bozori 2027-yilga borib 63 foizga o‘sishi haqida xabar berilgandi.
Izoh (0)