Nufuzli xalqaro tashkilotlar pandemiya davrida aynan xotin-qizlar ko‘proq aziyat chekkanini ma’lum qilgan. Bu haqda Senat raisi Tanzila Norboyeva Toshkent shahrida bo‘lib o‘tayotgan Parlamentlararo ittifoqqa a’zo davlatlar parlamentlari ayol rahbarlarining 14-sammitida aytib o‘tdi.
Tanzila Norboyeva sammitda pandemiyada yuzaga kelgan jiddiy ijtimoiy va iqtisodiy inqirozlarni bartaraf etish muhim masala ekanini ta’kidladi.
Nufuzli xalqaro tashkilotlarning ma’lumotlariga ko‘ra, pandemiya davrida aynan xotin-qizlar ko‘proq aziyat chekkan. Jumladan, mehnat bozorida faoliyat yuritayotgan ayollarning 5 foizi ishsiz qoldi. Oilalarda yuzaga kelgan murakkab vaziyat ortidan xotin-qizlarga nisbatan zo‘ravonlik holatlari ko‘paydi. Ularning ijtimoiy va iqtisodiy holati keskin yomonlashishi oqibatida jinoyatchilik hamda huquqbuzarliklar soni ortdi.Ma’lum qilinishicha, Toshkent sammitida BMT, Parlamentlararo ittifoq, Yevropada Xavfsizlik va Hamkorlik Tashkiloti Parlament Assambleyasi kabi xalqaro tashkilotlar rahbarlari, 19 ta davlatdan 120 dan ortiq parlament vakillari ishtirok etmoqda.Mana shunday og‘ir bir sharoitda xalqaro xamjamiyatning birgalikdagi sa’y-xarakatlari, bir-biriga xayrixohligi natijasida vaziyat ancha yaxshilandi. Biroq, pandemiya hali davom etayotgan, uning asoratlari butkul barham topmagan bir sharoitda bu borada qo‘shma loyihalarni amalga oshirish va qonunchilik, xalqaro standartlar va normalarni yanada takomillashtirish davr talabi bo‘lib qolmoqda.
Shundan kelib chiqqan holda, bugungi sammitda pandemiya oqibatida yuzaga kelgan jiddiy ijtimoiy va iqtisodiy inqirozlarni, xususan, yangi xavf-xatarlarni bartaraf etish bo‘yicha konstruktiv takliflar ishlab chiqish, ularni birgalikda amalga oshirish bo‘yicha ta’sirchan chora-tadbirlarni belgilab olishni oldimizga maqsad qilib qo‘yganmiz.
Tanzila Norboyeva, Senat raisi.
Izoh (0)