“SHHT harbiy-siyosiy va iqtisodiy ittifoq emas” — tashkilot sobiq bosh kotibi Rashid Alimov

Shanxay hamkorlik tashkiloti (SHHT) yangi xalqaro munosabatlarning shakllanishi sharoitida o‘z salohiyatini oshirmoqda. Bu haqda Tojikiston prezidenti huzuridagi Davlat xizmati Akademiyasi professori, SHHTning sobiq bosh kotibi Rashid Alimov bayonot berdi.

Alimovning so‘zlariga ko‘ra, tashkilotning dunyodagi ahamiyati o‘sib bormoqda. Uning nufuzini Samarqand sammitida ishtirok etayotgan davlatlar rahbarlari tarkibi ham tasdiqlaydi.

“SHHT sammiti nafaqat Eronni tashkilotga qabul qilish to‘g‘risida qaror qabul qilishi, balki, katta ehtimol bilan, keyingi nomzodni qabul qilish tartibini boshlash masalasini muhokama qilishi kutilmoqda”, — degan tashkilot sobiq bosh kotibi.

Uning qo‘shimcha qilishicha, hozirda “ish stoli”da tashkilotga a’zo bo‘lishni istagan davlatlarning 10 ga yaqin arizasi turibdi.

“SHHT na harbiy-siyosiy, na iqtisodiy ittifoqdir. Uning kuchli jihati — ishtirokchi davlatlarning tengligi va birligidir”, — deydi ekspert.

Uning ta’kidlashicha, tashkilotning Samarqand sammiti dunyo tinchligi, xalqaro xavfsizlik va butun insoniyat sivilizatsiyasining kelajagi uchun muhim ahamiyatga ega bo‘ladi.

Mavzuga doir:

“O‘zaro savdoda milliy valyutalarga o‘tish masalasi SHHT kun tartibida mavjud emas” — Rahmatulla Nurimbetov

Samarqanddagi SHHT sammitida Eron yangi doimiy a’zo sifatida tanishtiriladi

“Mintaqada barqarorlik faqat Afg‘oniston masalasi hal qilinganidan keyingina bo‘ladi” — SHHT bosh kotibi