“Kiyevga qurol yetkazib berishda Berlin imkoniyat chegarasiga yetdi” — Germaniya mudofaa vaziri

Germaniya mudofaa vaziri Kristina Lambrextning aytishicha, Germaniya Ukrainaga mamlakat Qurolli kuchlari zaxirasidan qurol yetkazib berish imkoniyati chegarasiga yetgan. Bu haqda “TASS” xabar bermoqda.

Germaniya Ukrainaga Bundesver zaxiralaridan “aqlbovar qilib bo‘lmas miqdordagi” qurol-yarog‘ni qayta taqsimladi. Ammo shu nuqtada biz chegaraga yetdik, — deydi Kristina Lambrext mudofaa vaziri

Avvalroq Germaniya kansleri Olaf Shols, Germaniya Ukraina armiyasiga hozirda mamlakat sharqidagi janglarda zarur bo‘lgan eng zamonaviy qurol-yarog‘larni yetkazib berayotganini ma’lum qilgandi. Unga ko‘ra, Berlin Kiyevni artilleriya va havo hujumidan mudofaa tizimlari bilan ta’minlagan.