Apple kompaniyasining yillik an’anaviy taqdimotida uzoq kutilgan yangi mahsulot — iPhone 14 taqdim etildi.
iPhone 14 Plus 6,7 dyuymli displeyga ega. Oddiy iPhone 14 iPhone 13 bilan bir xil displeyga ega. Ikkala smartfon ham iPhone 13 Pro kabi A15 protsessoriga ega.
Smartfon quvvatni 24 soatgacha saqlay oladi. iPhone 14 SIM-kartasiz chiqariladi: Apple kompaniyasining yangi smartfonlarida e-SIM-kartalar bo‘ladi. iPhone 14 2022-yil noyabr oyidan boshlab sun’iy yo‘ldosh orqali qo‘llab-quvvatlanadi (lekin hozircha faqat AQSh bozorida). Dastlabki ikki yil bu xususiyat bepul bo‘ladi. Sun‘iy yo‘ldosh aloqalari orqali qisqa xabarlar va geolokatsiyani yuborish mumkin.
iPhone 14 besh xil rangda chiqariladi va kuchli himoyalangan ekranga ega bo‘ladi. A15 chipida kamerani va suratni yaxshilovchi alohida bo‘lim mavjud.
iPhone 14 narxi 799 dollardan, 14 Plus esa 899 dollardan boshlanadi.
iPhone 14 Pro
Narxlar: Pro 999 dollardan, Pro Max 1099 dollardan boshlanadi. 16-sentabrdan sotuvga chiqariladi.
Taqdimotda yangilangan Apple Watch Series 8 ham taqdim etildi. Yangi modelda tana harorati sensori, sikl kuzatuvi, shuningdek, kuchaytirilgan xavfsizlik choralari mavjud.
Apple Watch Series 8’ning yangi xususiyatlaridan biri foydalanuvchining baxtsiz hodisaga uchraganini avtomatik ravishda aniqlay oladigan va yordam chaqirishi mumkin bo‘lgan texnologiyasi bo‘ladi.
Soatning narxi 399 dollardan boshlanadi.
Apple Watch Ultra
Apple Watch Ultra — titan korpusli va 49 mm tekis ekranli Apple Watch’ning keyingi avlodi.
Ekstremal sharoitlarda foydalanish uchun mo‘ljallangan. Soat quvvatni tejash rejimida 60 soatgacha, normal rejimda esa 36 soatgacha ishlay oladi.
Apple Watch Ultra’dagi yangi xususiyatlardan biri bu o‘rnatilgan sirena bo‘lib, u deyarli 200 metr masofadan eshitiladi.
Narxi — 799 dollar.
Izoh (0)