«Киевга қурол етказиб беришда Берлин имконият чегарасига етди» — Германия мудофаа вазири

Германия мудофаа вазири Кристина Ламбрехтнинг айтишича, Германия Украинага мамлакат Қуролли кучлари захирасидан қурол етказиб бериш имконияти чегарасига етган. Бу ҳақда «ТАСС» хабар бермоқда.

Германия Украинага Бундесвер захираларидан «ақл бовар қилиб бўлмас миқдордаги» қурол-яроғни қайта тақсимлади. Аммо шу нуқтада биз чегарага етдик, — дейди Кристина Ламбрехт мудофаа вазири

Аввалроқ Германия канцлери Олаф Шольц, Германия Украина армиясига ҳозирда мамлакат шарқидаги жангларда зарур бўлган энг замонавий қурол-яроғларни етказиб бераётганини маълум қилганди. Унга кўра, Берлин Киевни артиллерия ва ҳаво ҳужумидан мудофаа тизимлари билан таъминлаган.