Rossiya Yevropa Ittifoqi (YI) harbiy rahbariyati vakillarini qora ro‘yxatga kiritishga qaror qildi. Bunga ularning tashabbusi bilan Ukrainaga harbiy yuk yetkazib berilayotgani sabab bo‘lgan. Tegishli bayonot Rossiya Tashqi ishlar vazirligida e’lon qilindi.
“Cheklovlar, xususan, Yevropa Ittifoqining oliy harbiy rahbariyatiga, YIga a’zo davlatlar huquq-tartibot idoralarining yuqori martabali xodimlariga, Ukrainaga harbiy mahsulotlar yetkazib berish bilan shug‘ullanuvchi Yevropaning qurol va harbiy texnika ishlab chiqarish sohasidagi tijoriy tashkilotlari vakillariga taalluqlidir”, — deyiladi xabarda.
Ushbu ro‘yxatga kiritilgan shaxslarga Rossiya hududiga kirish taqiqlanadi. Tegishli og‘zaki nota allaqachon YIning Rossiyadagi delegatsiyasiga yuborilgan.
“Rossiyaga qarshi chora-tadbirlar tashabbuskorlariga eslatmoqchimizki, har qanday do‘stona bo‘lmagan harakatlarga keskin javob qaytarishda davom etamiz”, — deyiladi bayonotda.
Izoh (0)