Bolgariyada suv toshqinlari tufayli jiddiy moddiy zarar e’lon qilindi. Mamlakatning Plovdiv viloyatidagi Karavelovo, Bogdan, Slatina va Trilistnik aholi punktlarida 300 dan ortiq oila boshpanasiz qoldi. Bu haqda “TASS” xabar bermoqda.
Plovdiv viloyatidagi daryolar qirg‘oqlaridan toshib ketgan. Bir qancha ko‘priklar va to‘g‘onlarga shikast yetgan. Aholi punktlari va qishloq xo‘jaligi yerlarini suv bosgan. Elektr va suv ta’minoti uzilgan. Plovdiv shahriga yaqin joyda transport harakati ham qisman cheklangan.
Jabrlanganlarga yordam berish uchun yuzlab ko‘ngillilar kelib, uylarni daryo cho‘kindilaridan tozalashga yordam bergan. Shuningdek, hozirda vayronalarni tozalashda og‘ir texnikalar ishlamoqda.
Eng muhimi shundaki, bunday kuchli suv toshqinida qurbonlar yo‘q. Ammo moddiy zarar jiddiy bo‘ldi. Hozir jabrlangan hududlarga zarur bo‘lgan hamma narsa, jumladan, ichimlik suvi va oziq-ovqat yetkazib berilmoqda. Qutqaruvchilar o‘z ishlarini davom ettirmoqda. Maxsus komissiya esa yetkazilgan zararni hisoblashni boshlagan. Men barcha muhtojlarga yordam maksimal darajada ko‘rsatilishini kutaman.Yong‘in xavfsizligi va aholini muhofaza qilish bosh boshqarmasi direktori Nikolay Nikolov vaziyatni sharhlar ekan, zarar ko‘rgan hududlarda vaziyat asta-sekin normallashayotganini, biroq ba’zi joylarda suv darajasi yuqoriligicha qolayotganini aytdi.Rumen Radev Bolgariya prezidenti
Meteorologlarning ma’lumotlariga ko‘ra, yog‘ingarchilik miqdori uch-to‘rt oylik me’yordan oshgan. Mamlakatning qator hududlarida favqulodda holat saqlanib qolgan.
Izoh (0)