Surxondaryo viloyati, Angor tumani, Guliston mahallasidagi gaz quyish shoxobchasi kimoshdi savdosiga qo‘yildi. Lot ma’lumotlari “E-auksion” portalida e’lon qilingan.
Lot auksionga Davlat aktivlarini boshqarish agentligining Surxondaryo viloyat hududiy boshqarmasi tomonidan qo‘yilgan.
Ushbu avtomobillarga gaz quyish shoxobchasi 2014-yilda qurilgan.
Yer uchastkasining umumiy maydoni — 1 gektar. Bino va inshootlarning maydoni — 8 786 kvadrat metr. Shoxobcha joylashgan inshootda gaz, suv, elektr ta’minoti mavjud. Kanalizatsiya tizimi esa yo‘q.
Auksionga qo‘yilgan obektning boshlang‘ich bahosi — 13,3 mlrd so‘m. Arizalar 20-sentabr 09:00 ga qadar qabul qilinadi. Savdolar xuddi shu kuni 10:00 da boshlanadi.
Avvalroq Hamid Olimjon maydonidagi do‘kon va omborxona 8 mlrd so‘mga auksionga qo‘yilgani haqida xabar berilgandi.
Izoh (0)