UEFA futbol imidjini saqlab qolishni xohlamoqda.
2022/23-yilgi mavsum oldidan hakamlarga futbolchilar tomonidan ularga bosim o‘tkazish, kelishmovchilik va tortishuvlar, shuningdek, simulyatsiyalar uchun qattiqroq jazolash bo‘yicha ko‘rsatmalar berildi.
“Futbolda bunday narsalarni ko‘rishni istamaymiz. Biz futbol imidjini himoya qilish niyatidamiz va maydon, zaxira o‘rindig‘ida ayrim turdagi xatti-harakatlarni nomaqbul deb hisoblaymiz”, — deyi UEFA hakamlar qo‘mitasi rahbari Roberto Rosetti.
Hakamlarni aldashga uringan yoki yengil kontaktga ham ortiqcha munosabat bildiradigan o‘yinchilar endi qattiq jazolanadi. Bundan tashqari futbolchilarning hakamni raqibga qizil yoki sariq kartochka berishga undashlari ham jazoga loyiq bo‘ladi.
“Futbolchi boshqa bir futbolchini jazolanishini xohlashi adolatdan emas. Bu o‘z hamkasblariga nisbatan sof bo‘lmagan xatti-harakatdir. Hurmatsizlik belgisi”, — qo‘shimcha qiladi Rosetti.
Izoh (0)