O‘zbekistonda so‘nggi bir hafta ichida shaftolining ulgurji narxlari 14 foizga arzonlashdi va shu bilan o‘tgan yilning shu davridagi eng past ko‘rsatkichlarni yangiladi. Bu haqda EastFruit xabar bermoqda.
Shu bilan birga, o‘tgan yilgi darajalar bilan farq kengaymoqda — joriy ulgurji narxlar 2021-yil avgust oyi oxirida qayd etilgan darajadan roppa-rosa 2 baravar past.
2022-yilning 19-avgustidan 26-avgustiga qadar O‘zbekistonda shaftolining o‘rtacha ulgurji narxlari bri kilogram uchun 7 ming so‘mdan 6 ming so‘mgacha pasaygan.
O‘tgan yilgi ko‘rsatkichlar bilan farq ham kengayib bormoqda — 2022-yil 26-avgust holatiga ko‘ra, O‘zbekistonda shaftolining o‘rtacha ulgurji narxlari o‘tgan yilning shu sanasiga nisbatan 2 baravar past.
Bunga ikki omil sabab bo‘lmoqda: birinchisi, O‘zbekistonda o‘tgan yilga nisbatan shaftoli hosili yaxshi olingan.
Ikkinchi omil — shaftoli bog‘larining ko‘payishi. Oxirgi besh yilda O‘zbekistonning birgina Farg‘ona viloyatida shaftoli plantatsiyalarining umumiy maydoni 26 foizga oshdi.
Farg‘ona viloyati shaftoli eksportida yetakchi o‘rin tutadi, O‘zbekistondan eksport qilinadigan ushbu mahsulotlarning deyarli yarmi ushbu viloyat hissasiga to‘g‘ri keladi.
Shubhasiz, ichki bozorda shaftolining yuqori hosildorligi va arzon narxlari ushbu mahsulotlarni tashqi bozorlarga jo‘natish hajmining oshishiga xizmat qilmoqda.
Bu esa o‘z navbatida meva segmentida O‘zbekiston eksport daromadlarining muhim manbai hisoblanadi.
Dastlabki rasmiy statistik ma’lumotlarga ko‘ra, 2022-yilning 21-mayidan 29-avgustigacha bo‘lgan davrda O‘zbekistondan shaftoli eksporti 73,3 ming tonnani tashkil etib, jami 65,4 million dollarga yetdi.
Izoh (0)