2022 yilning yanvar—iyul oylarida O‘zbekiston xorijiy davlatlardan qiymati 1,8 mln dollarga teng bo‘lgan 257,2 tonna qahva mahsulotlarini import qilgan. Bu haqda Davlat statistika qo‘mitasi xabar bermoqda.
Qahva mahsulotlari importi 2021-yilning mos davri bilan solishtirilganda 61 tonnaga oshgan va 800 ming dollar ko‘proq xarajat qilingan.
O‘zbekiston eng ko‘p Italiyadan qahva sotib olyapti — yetti oyda 63,6 tonna. Ikkinchi o‘rinni Braziliya (45 tonna) egallagan bo‘lsa, Rossiya (31,8 tonna) uchinchi bo‘ldi.
2021-yilning mos davrida Rossiya O‘zbekistonga qahva yetkazib berishda birinchi o‘rinni egallagan edi — 57,4 tonna. Vyetnam bilan esa ko‘rsatkich deyarli o‘zgarmadi — 22,4 tonna.
Avvalroq Braziliya O‘zbekistonga oziq-ovqat yetkazib beruvchi asosiy davlatlardan biriga aylangani haqida xabar berilgandi.
Izoh (0)