30-avgustda BMT Xavfsizlik Kengashi Malidagi Tinchlik va yarashuv bitimini amalga oshirishga to‘sqinlik qilayotgan jismoniy va yuridik shaxslarga sayohat taqiqini va aktivlarini muzlatish muddatini 2023-yil 31-avgustgacha uzaytirdi. Bu haqda “Sinxua” xabar berdi.
Xavfsizlik Kengashi bir ovozdan 2649-rezolyutsiyani qabul qildi. Shuningdek, sanksiyalar bajarilishini nazorat qilish bo‘yicha ekspert guruhining mandatini 2023-yil 30-sentabrgacha uzaytirdi.
BMTning Malidagi ko‘p o‘lchovli integratsiyalashgan barqarorlashtirish missiyasini guruhga yordam berish uchun chaqirishni talab qildi.
Malidagi vaziyat xalqaro tinchlik va mintaqadagi xavfsizlikka tahdid solishida davom etmoqda, — deyiladi BMT Xavfsizlik Kengashi rezolyutsiyasida.
Xavfsizlik Kengashi ekspertlar guruhidan 2023-yilning 28-fevralidan kechiktirmay oraliq hisobotni, yakuniy hisobotni 2023-yilning 15-avgustidan kechiktirmay taqdim etishni va shu davr mobaynida uni muntazam ravishda yangilab borishni so‘radi.
Avvalroq Fransiya Malidan qo‘shinlarini olib chiqib ketganini e’lon qilgani haqida xabar berilgandi.
Izoh (0)