30-avgust kuni dunyodagi eng mashhur aktrisalardan biri — Kemeron Diaz 50 yoshga to‘ladi. 20 yil davomida Kemeron biz katta zavq bilan tomosha qiladigan o‘nlab filmlarda rol o‘ynashga muvaffaq bo‘ldi.
Kemeron Diaz bolaligida aktrisa bo‘lish haqida o‘ylamagan ham. U Kaliforniyada yashagan, klassik musiqa muxlisi bo‘lib, ko‘pincha erkaklar kompaniyasida vaqt o‘tkazardi. 16 yoshida qiz o‘zining modellik faoliyatini boshlaydi — yillar o‘tib, o‘sha davrdagi suratlar shov-shuvga sabab bo‘ladi.
Diazning kino karyerasi unga bir zumda shuhrat keltirgan “Niqob” filmidan boshlangan. Qizig‘i shundaki, ushbu loyihadan oldin Kemeron aktrisalik qilmagan, shu sababli ham mazkur rol uchun u maxsus kurslarda o‘qitiladi. Olamshumul muvaffaqiyatdan so‘ng, yulduz boshqa filmlarga ham taklif qilinadi va 90-yillarning ikkinchi yarmida bir nechta yirik filmlarda, asosan triller va romantik komediyalarda rol ijro etadi. O‘sha yillarda uning uslubi endigina shakllana boshlagan edi: aktrisa sharqona uslubdagi ipak ko‘ylaklar, oddiy trikotajdan tikilgan odmi kiyimlar, shuningdek, ko‘ylaklar bilan birlashtirilgan shim kiyardi.
2000-yillar mashhur “Charli farishtalari” filmi bilan boshlandi, unda Kameron Dryu Berrimor va Lyusi Liu bilan birga rol o‘ynagan. Keyin u “Vanilli osmon” filmida o‘ynadi, bu tanqidchilar tomonidan juda iliq kutib olindi. Mallasoch aktrisa bir qator nufuzli mukofotlarga nomzod bo‘lgan.
Aktrisa qizil gilamda tobora ko‘proq paydo bo‘lib, u midi va maksi uzunlikdagi yubkalarni afzal ko‘rardi. U nozik qo‘llari va nafis belini ta’kidlaydigan tor liboslarni ham ko‘p kiyardi.
2002-yilda “Nyu-York to‘dasi” filmi ekranlarga chiqadi, unda Kemeron Leonardo Di Kaprio bilan birga rol o‘ynaydi. 2010-yilda u romantik komediyalarda faol ishtirok eta boshladi, ularning aksariyati professional hamjamiyat tomonidan tan olinmagan, ammo ular tijoriy jihatdan omadli bo‘lgan.
Xuddi shu yillarda aktrisa Shrek haqidagi multfilmlarda bilan ishlay boshladi va malika Fionaga ovoz berdi. Shuning uchun, qizil gilamdagi obrazlari ham ba'zan ajoyib bo‘lib chiqdi. O‘sha paytda mallasoch Diaz to‘satdan sochlarini qora rangga bo‘yashga qaror qiladi — yangi soch rangi tufayli uning qiyofasi keskin o‘zgaradi.
2010-yilda Forbes Diazni eng badavlat ayol yulduzlar ro‘yxatiga kiritdi. Gap ko‘p tomoshabinlarga manzur bo‘lgan va kassalarda yaxshigina daromad to‘plagan o‘sha yengil komediyalar haqida. Jumladan, tinimsiz baloga duchor bo‘ladigan manfaatparast qiz haqidagi “Juda yomon o‘quvchi” filmi yoki Kemeron beparvo oshiqdan o‘ch oladigan “Boshqa ayol” kartinasi.
2013-yilda Kemeron “Maslahatchi” trillerida kuchli aktyorlar – Maykl Fassbender, Xaver Bardem, Penelopa Kruz va Bred Pitt bilan suratga tushgan. Va yana bir paradoks: tanqidchilarga film yoqmaydi, lekin u tomoshabinlar orasida mashhur bo‘lib ketadi.
Aytgancha, “Maslahatchi” aktrisa ishtirokidagi so‘nggi yirik loyihalardan biri edi — bir yildan keyin u faoliyatini yakunladi va oilasiga ko‘proq e’tibor qaratmoqchi ekanini ma’lum qildi. 2015-yilda yulduz musiqachi Benji Maddenga turmushga chiqdi va 2019-yilda ular uzoq kutilgan farzand — qizli bo‘lishdi.
Izoh (0)