Bollivudning eng badavlat aktyorlaridan biri Mithun Chakrabortining gonorari hamda moliyaviy ahvoli haqidagi ma’lumotlar oshkor qilindi

Mithun Chakraborti Hindistonning eng boy aktyorlaridan biri hisoblanadi, deb yozadi “Kino Afisha”.

72 yoshni qarshi olgan mashhur aktyor Mithun Chakraborti faoliyati davomida 300 dan ortiq filmlarda rol o‘ynagan bo‘lsa-da, “Disko raqqosi” va “O‘yna, o‘yna” filmlari unga shuhrat keltirdi. Kutilmagan shon-shuhrat uni nafaqat eng mashhur hind aktyoriga, balki badavlat insonga ham aylantirdi. Hozirda Chakrabortining daromadi 40 million dollarga baholanmoqda.

Mithun filmlarda suratga tushishdan oladigan gonorar hisobiga kun kechiradi, kino loyihalarini ishlab chiqarish va o‘zining mehmonxonalar tarmog‘ini rivojlantirish orqali pul ishlab topadi. Bundan tashqari, u turli tok-shoularda ishtirok etishi tufayli ham yaxshi maosh oladi. Misol uchun, bir mavsumda Chakraborti “O‘yna, Hindiston, o‘yna” loyihasida hakam sifatida Hindiston standartlari bo‘yicha 250 ming dollar ishlab oldi.

Uning butun mamlakat bo‘ylab ko‘chmas mulki mavjud. Mithunning Madx orolida joylashgan 60 sotixli maydonda katta uyi bor. U yerda aktyor oilasi va uy hayvonlari bilan yashaydi. Aktyorning saroyi 600 ming dollarga baholangan. Ma’lumotlarga ko‘ra, Chakraborti Arabiston dengizidagi Mumbay shahrida kvartira va Utakamand tog‘li hududida bungaloga ega.