Jahon va o‘zbek shou-biznesi vakillarining Instagram sahifalariga joylashtirilgan qiziqarli foto va videolarni e’tiboringizga havola etamiz.
Aktrisa, instabloger Feruza Normatova yangi suratini sahifasiga joyladi va muxlislariga tashqi ko‘rinish uchun ko‘p vaqt sarflamaslikni, qalbni toza tutish kerakligini, chunki insonning yuzida uning qalb go‘zalligi namoyon bo‘lishini aytdi.
Aktyor, qiziqchi Iskandar Hamroqulov 45 yoshida mashina haydashni o‘rganishga qaror qilganini aytdi va o‘quv mashg‘ulotlarida mashina haydagani aks etgan videoni e’lon qildi.
Asal Shodiyeva modalar ko‘rgazmasida tushgan surati bilan ko‘rinish berdi.
O‘zbekiston xalq artisti, madaniyat vaziri Ozodbek Nazarbekov Xorazmda yangi ochilgan Jaloliddin Manguberdi yodgorlik majmuasida sayr qilib yurgan aholi uchun “Mendirman” nomli taronasini jonli ovozda kuylab berdi.
Nilufar Usmonova Jizzaxdan Toshkentga qaytishda yo‘l-yo‘lakay Sirdaryo qovunlaridan ta’tib ko‘rgani aks etgan videoni muxlislariga ko‘rsatdi. Shuningdek, xonanda videodagi ko‘rinishini mardikor ayollarga o‘xshashini aytdi.
Xonanda Nilufar Usmonova qizi Sadiyaning ham suratini obunachilariga namoyish qildi.
Ijtimoiy tarmoqlarda Abdulla Qurbonovning choyxonada o‘tirgan holda “ko‘zi ketib qolgani” aks etgan video tarqaldi.
Xonanda Dildora Niyozova oilasining aprel oyida Turkiyaga sayohati aks etgan arxiv videolarni e’lon qildi. Videoda uning dengizga va qadimiy ziyoratgohlarga borganini ko‘rish mumkin.
Aktrisa Dilnoza Kubayeva yangi suratini obunachilariga ko‘rsatdi va yaxshi kayfiyatni ushlab qolish kerakligini aytdi.
Xonanda Lola qizi bilan tushgan suratini e’lon qildi va muxlislariga qiz farzand tarbiyalayotgani, shuning uchun daraxt ekish, uy qurishdan ma’no yo‘qligini aytdi.
Aktrisa Zarina Nizomiddinova “Parixona” serialida suratga tushayotganini ma’lum qildi. Aktrisa serialda epizodik rol bilan ko‘rinish beradi. Bu rol Zarinaning ma’lum muddat davom etgan ijodiy tanaffusdan so’ng ilk obrazi hisoblanadi.
Xonanda Bahrom Nazarov “Shuhrat” medali bilan taqdirlanganini ma’lum qildi va bu yutuq Allohning inoyati, ota-onasining duosi, ustozlarining yo‘l-yo‘rig‘i, xalq mehri, ijodkor do‘stlari bilan birga qilgan mehnatining mahsuli ekanini aytdi.
Shaxlo Zoirova “Bojalar” guruhining “Pari” nomli taronasini tinglab xizmatlarga yo‘l olgani aks etgan videoni e’lon qildi.
Izzat Ibragimov hamkasbi, “Xo‘ja” guruhida 23 yildan buyon faoliyat yuritayotgan xonanda Rustam Norxo‘jayev bilan tushgan suratini muxlislariga ko‘rsatdi.
Oyog‘i qattiq lat yegan Parizoda to‘yda hech narsa bo‘lmagandek raqsga tushgan videosini e’lon qildi va raqsga tushishidan oldin og‘riq qoldiruvchi dori ichganini, to‘xtamay raqsga tushgani haqida muxlislariga gapirdi. Shifokorlar unga 20 kun raqsga tushishni taqiqlagan edi.
Bir qancha xit taronalar ijrochisi Munisa Rizayeva yangi suratini obunachilariga namoyish qildi va insonlar bir-birini fe’l-atvor, masofa, yosh, to‘siqlarga qaramay sevishi kerakligi haqida gapirdi.
Xonanda Afruza onasi Shahlo Rustamova bilan tushgan yangi videoni e’lon qildi.
Mavzuga doir:
- Instagram: Oyog‘ini jarohatlagan Parizoda, Ulug’bek Rahmatullayevdan yangi qo‘shiq, kunini bog‘chada o‘tkazgan Lola.
- Instagram: Imronning Durdonasiz ishlangan navbatdagi klipi, Farhod uchun rafiqasining syurprizi, qo‘shiq ayta boshlagan Zuhra Soliyeva.
- Instagram: Tatyana Karimovaning dabdabali tug‘ilgan kuni, Cadillac Escalade xarid qilgan Odil Ahmedov, Feruza Normatovaning ota-onasiga syurprizi.
- Instagram: Buvisini tabriklash uchun Toshkentga kelgan Maryam Tillayeva, xalq artistiga aylangan Afruza, Durdona Qurbonovaning yaxshi ko‘rgani kim?
Izoh (0)