30 август куни дунёдаги энг машҳур актрисалардан бири — Кемерон Диаз 50 ёшга тўлади. 20 йил давомида Кемерон биз катта завқ билан томоша қиладиган ўнлаб фильмларда рол ўйнашга муваффақ бўлди.
Кемерон Диаз болалигида актриса бўлиш ҳақида ўйламаган ҳам. У Калифорнияда яшаган, классик мусиқа мухлиси бўлиб, кўпинча эркаклар компаниясида вақт ўтказарди. 16 ёшида қиз ўзининг моделлик фаолиятини бошлайди — йиллар ўтиб, ўша даврдаги суратлар шов-шувга сабаб бўлади.
Диазнинг кино карьераси унга бир зумда шуҳрат келтирган «Ниқоб» фильмидан бошланган. Қизиғи шундаки, ушбу лойиҳадан олдин Кемерон актрисалик қилмаган, шу сабабли ҳам мазкур рол учун у махсус курсларда ўқитилади. Оламшумул муваффақиятдан сўнг, юлдуз бошқа фильмларга ҳам таклиф қилинади ва 90 йилларнинг иккинчи ярмида бир нечта йирик фильмларда, асосан триллер ва романтик комедияларда рол ижро этади. Ўша йилларда унинг услуби эндигина шакллана бошлаган эди: актриса шарқона услубдаги ипак кўйлаклар, оддий трикотаждан тикилган одми кийимлар, шунингдек, кўйлаклар билан бирлаштирилган шим киярди.
2000 йиллар машҳур «Чарли фаришталари» фильми билан бошланди, унда Камерон Дрю Берримор ва Люси Лиу билан бирга рол ўйнаган. Кейин у «Ванильли осмон» фильмида ўйнади, бу танқидчилар томонидан жуда илиқ кутиб олинди. Малласоч актриса бир қатор нуфузли мукофотларга номзод бўлган.
Актриса қизил гиламда тобора кўпроқ пайдо бўлиб, у миди ва макси узунликдаги юбкаларни афзал кўрарди. У нозик қўллари ва нафис белини таъкидлайдиган тор либосларни ҳам кўп киярди.
2002 йилда «Нью-Йорк тўдаси» фильми экранларга чиқади, унда Кемерон Леонардо Ди Каприо билан бирга рол ўйнайди. 2010 йилда у романтик комедияларда фаол иштирок эта бошлади, уларнинг аксарияти профессионал ҳамжамият томонидан тан олинмаган, аммо улар тижорий жиҳатдан омадли бўлган.
Худди шу йилларда актриса Шрек ҳақидаги мультфильмларда билан ишлай бошлади ва малика Фионага овоз берди. Шунинг учун, қизил гиламдаги образлари ҳам баъзан ажойиб бўлиб чиқди. Ўша пайтда малласоч Диаз тўсатдан сочларини қора рангга бўяшга қарор қилади — янги соч ранги туфайли унинг қиёфаси кескин ўзгаради.
2010 йилда Forbes Диазни энг бадавлат аёл юлдузлар рўйхатига киритди. Гап кўп томошабинларга манзур бўлган ва кассаларда яхшигина даромад тўплаган ўша енгил комедиялар ҳақида. Жумладан, тинимсиз балога дучор бўладиган манфаатпараст қиз ҳақидаги «Жуда ёмон ўқувчи» фильми ёки Кемерон бепарво ошиқдан ўч оладиган «Бошқа аёл» картинаси.
2013 йилда Кемерон «Маслаҳатчи» триллерида кучли актёрлар – Майкл Фассбендер, Хавер Бардем, Пенелопа Круз ва Бред Питт билан суратга тушган. Ва яна бир парадокс: танқидчиларга фильм ёқмайди, лекин у томошабинлар орасида машҳур бўлиб кетади.
Айтганча, «Маслаҳатчи» актриса иштирокидаги сўнгги йирик лойиҳалардан бири эди — бир йилдан кейин у фаолиятини якунлади ва оиласига кўпроқ эътибор қаратмоқчи эканини маълум қилди. 2015 йилда юлдуз мусиқачи Бенжи Мадденга турмушга чиқди ва 2019 йилда улар узоқ кутилган фарзанд — қизли бўлишди.
Изоҳ (0)