Los-Anjelesdagi tumanlarning birida aholi “Forsaj” filmining yangi qismini suratga olinishiga qarshi chiqdi. Anjelino Heights aholisi hamjamiyatining vakillari tinch mitingga yig‘ildi. Deadline ma’lumotlariga ko‘ra, aktyorlar va ekipajni ko‘plab namoyishchilar kutib olgan va ulardan ko‘cha poygalari, yo‘l harakati qoidalarini buzishni targ‘ib qiluvchi film ustida ishlashni to‘xtatishini so‘ragan.
Namoyishchilarning plakatlarida ko‘cha poygalarida halok bo‘lgan odamlarning fotosuratlari aks etgan. “Ko‘cha poygasi insonni o‘ldiradi”, — deydi namoyishchilar. Namoyish hokimiyat tomonidan tinglandi, shahar kengashi vakillari va miting ishtirokchilari tez orada Los-Anjelesdagi ko‘cha poygalari muammolari, qonunlarini muhokama qilish uchun uchrashadi", — deb xabar bermoqda Insider.
Eslatib o‘tamiz, tomoshabinlar kelasi yil “Forsaj” filmining yakuniy, ya’ni 10-qismini kutmoqda. Yaqinda ijtimoiy tarmoqlarda rejissor Jastin Lin bu safar loyihani tashkillashtirishda ishtirok etmasligi haqida mish-mishlar paydo bo‘ldi. Variety nashrining xabar berishicha, prodyuserlarga “Forsaj” filmiga yangi rejissor topish uchun bir hafta kerak bo‘ldi. Ular filmning yangi rejissori sifatida Lui Leteryerni tanladi. Rejissor “Tashuvchi”, “Tashuvchi 2”, “Aql bovar qilmaydigan Xalk”, “Aldash illyuziyasi” va “Qo‘riqchi Dani” kabi filmlari bilan tanilgan.
Mavzuga doir:
- “Forsaj” yulduzi Pol Uokerga tegishli bo‘lgan Nissan Skyline sotuvga qo‘yildi.
- Vin Dizel Dueyn Jonsondan “Forsaj”ga qaytishini so‘radi. Aktyorlar franshizaning 8-qismi suratga olish jarayonida urishib qolgan edi.
- Ko‘z yoshlarni tiyish mushkul: “Forsaj” yulduzlari Vin Dizel va Pol Uokerning do‘stlik hikoyasi.
- “Forsaj” yulduzi Dueyn Jonson, Alek Bolduin bilan bog‘liq fojiadan keyin suratga olish jarayonida haqiqiy quroldan foydalanmaslikka qaror qildi.
Izoh (0)