Koloradolik Kayya Aragon 2021-yilning noyabr oyida o‘z liboslari loyihalarini yarata boshlagan. Qizaloq hozirgacha 35-40 ta kostyum tikkan. Uning sevimli liboslari — yosh dizaynerning o‘zi tikkan, qo‘lda bo‘yalgan ko‘ylak va havo gimnastikasi kostyumi. U modelyer bo‘lishni orzu qiladi. Kayya dizaynerlikdan tashqari, havo gimnastikasi va halqali badiiy gimnastikani yaxshi ko‘radi.
Kayyaning liboslari o‘ziga bo‘lgan ishonchni his qilishiga yordam beradi
Kayyani nafaqat yaqin insonlari, balki dizaynerlar ham qo‘llab-quvvatlamoqda. Mashhur dizayner Vera Vang Kayyaga omad tilab, moda dizayneri bo‘lish orzusiga intilishni davom ettirishini maslahat berib, yozma xat ham yuborgan.
Kayya 2021-yilning noyabr oyida mushugiga to‘shak tikkanidan so‘ng o‘z eskizlari bo‘yicha liboslar yarata bsohladi. “Kiyimlarim o‘zimni dadilroq va ishonchni his qilishimga yordam berishi menga yoqadi”, — deydi qizaloq.
Kayya har doim uslublarni his qilgan
Yangi yil bayramlarining birida Kayya sovg‘a sifatida tikuvchilik manekenini oldi. Onasi qizining buni shunchaki bezak sifatida olib qo‘ymoqchi deb o‘yladi. Yosh dizayner esa xonasiga bordi, bir soat ichida ko‘ylak tikdi va uyida moda ko‘rgazmasini tashkil qildi.
Kayya yoshligidan uslubni yaxshi tushungan. “U har doim juda ko‘p zargarlik buyumlarini taqar edi va men uchun juda g‘alati, tushunarsiz tarzda ularni birlashtirardi. Ammo u ularni taqqanida hammasi mos tushdi ”, — deydi qizning onasi.
Qizaloq hatto do‘stlari, ukasi va singlisining kelajakdagi kompaniyasiga qo‘shilishini xohlaydi.
Garchi Kayya unga kostyumlarni loyihalashda yordam beradigan katta jamoaga ega bo‘lsa ham, u liboslarni o‘zi tikadi.
Qizaloq barcha do‘stlari, akasi va singlisi bilan birga kompaniya ochishni orzu qiladi. “Mening do‘stlarim va singlim dizayner bo‘ladi, chunki ular buni yaxshi ko‘rishadi. Akam esa shoular uchun modellarning sochini turmak qilishini aytdi”, — deydi Kayya o‘z rejalari haqida.
Kayya yangi narsalarni sinab ko‘rmoqchi
Sizni chinakamiga baxtli qiladigan ishni qilish muhim ahamiyatga ega. Kiyimlarning yaratilishi esa Kayyaga o‘z iste’dodini yuzaga chiqarishga yordam beradi.
U yoshi bilan u yangi narsalarni kashf qilishi mumkin. Kayya o‘zi uchun boshqa qiziqarli mashg‘ulotlarni o‘rganishni xohlaydi. Ammo hozir qizaloqning aytishicha, u tikish va g‘ayrioddiy tasvirlarni yaratishni yaxshi ko‘radi.
Izoh (0)