Xarkovga navbatdagi zarba, Qora dengizdagi o‘lik delfinlar, Karpatortida evakuatsiya qilingan itlar. Urushning 187-kunidan fotoreportaj
29-avgustga o‘tar kechasi Xarkov yana raketa hujumiga uchradi – hech kim jabrlanmadi, biroq birinchi safar 1-mart kuni o‘qqa tutilgan viloyat ma’muriyati binosi yana zarar ko‘rdi. MAGATE missiyasi Zaporojye AESga jo‘nab ketayotganini ma’lum qildi. Shu bilan bir vaqtda viloyat aholisi radioaktiv nurlanish holatlari yuz bergan taqdirda qo‘llash uchun yod tabletkalarini ola boshladi. Ukraina urush sharoitida o‘quv yili boshlanishiga tayyorgarlik ko‘rmoqda: faqatgina bombapanohlar bilan jihozlangan maktablarda o‘quvchilar oflayn darsga boradi. Meduza urushning 187-kuniga oid asosiy kadrlarni jamladi.
Xarkov markaziga tunda berilgan zarba oqibatlari
Xarkov viloyati ma’muriyati binosi yaqinida raketa zarbasidan qolgan o‘ra. Jabrlanganlar va halok bo‘lganlar haqida ma’lumot yo‘q.Foto: EPA
Xarkov aholisi raketa hujumidan vayron bo‘lgan binoga qaramoqda. “Belarus Gayun” loyihasi ma’lumotlariga ko‘ra, Rossiya samolyotlari Belarus hududidan Ukrainaga qarata o‘q uzgan.Foto: AFP
Slavyanskdagi otishmalardan keyingi yong‘in
29-avgust, dushanbaga o‘tar kechasi Slavyansk yana o‘qqa tutildi. Shahar qo‘shni Kramatorsk bilan birgalikda Donbassdagi rus qo‘shinlarining hujumi uchun muhim nishon hisoblanadi.Foto: Anadolu
Slavyanskning o‘qqa tutilishi oqibatida bir qancha turar joylar zarar ko‘rdi. Slavyansk shahar harbiy ma’muriyati rahbari Vadim Lyaxning aytishicha, podstansiyaga shikast yetgani tufayli shaharning bir necha mikrorayonlari elektr ta’minotidan uzilib qolgan.Foto: Anadolu
Zaporojyeda radiatsiya falokatiga tayyorgarlik
Zaporojye aholisi Rossiya qo‘shinlari nazorati ostida bo‘lgan Zaporojye atom elektr stansiyasidan radiatsiya tarqalishi xavfi tufayli kaliy yodid tabletkalarini olmoqda. Rossiya va Ukraina bir-birini AESni o‘qqa tutishda ayblamoqdaFoto: Reuters
Zaporojye aholisiga tarqatilayotgan kaliy yodid tabletkalari. Organizm yod bilan to‘yintirilishi AESda jiddiy avariya yuzaga kelgan taqdirda havoga tarqaladigan radioaktiv yod zarralari qalqonsimon bez tomonidan so‘rilishi xavfini kamaytiradi.Foto: Reuters
Karpatortida evakuatsiya qilingan itlar uchun boshpana
Foto: Ukrinform Agency
Foto: Ukrinform Agency
Ukrinform Agency
Ukrainaning Karpatorti viloyati Syurte qishlog‘idagi “Hammada ikkinchi imkoniyat bor” nomli hayvonlar boshpanasi Rossiya bosqinidan zarar ko‘rgan Irpen, Avdeyevka, Xarkov viloyati va boshqa hududlardan evakuatsiya qilingan itlarni qabul qiladi.Foto: Ukrinform Agency
Kiyevda maktab o‘quvchilari uchun bombapanoh
Kiyevdagi maktablardan birida yangi o‘quv yili uchun tayyorlangan bombapanohdagi sinfxona. Ukrainaning barcha maktablarida darslar 1-sentabr kuni boshlanadi, ammo faqat o‘z hududida bombapanohlar tashkil etgan yoki atrofida shunday boshpanalar mavjud bo‘lgan maktablargina oflayn ta’lim berishi mumkin.Foto: EPA
Odessa viloyatidagi o‘lik delfinlar
Ekolog Ivan Rusev Odessa viloyatidagi “Tuzlovskiye limani” milliy tabiat bog‘i hududida. Park Qora dengiz sohilida joylashgan. Rusevning aytishicha, Rossiya bosqini Qora dengizdagi minglab delfinlarning o‘limiga sabab bo‘lgan.Foto: AFP
Ivan Rusev milliy bog‘ hududidagi o‘lik delfinning jasadi yonida.Foto: AFP
Izoh (0)