Yengil vazn toifasida (-70 kg) harakat qiluvchi yengilmas yakkakurashchi Usmon Nurmagomedov (15-0) Bellator’dagi navbatdagi jangini noyabr oyida Chikagoda (AQSH) o‘tkazadi.
24 yoshli rossiyalik divizion chempioni Patriki Freyrega (24-10) qarshi oktagonga chiqadi. Jang 19-noyabr kungi Bellator 288 musobaqasida bo‘lib o‘tadi.
Usmon 2021-yil aprel oyida Bellator’da o‘z debyutini o‘tkazgan va shu vaqtga qadar 4 ta jang o‘tkazib, ulardan 3 tasini muddatidan avval yakunlagan.
36 yoshli Freyre noyabr oyida Bellator 270 musobaqasida irlandiyalik Piter Kuillini 2-raunddagi texnik nokaut evaziga mag‘lub etib, kamarni qo‘lga kiritgan. Bu revansh jangi bo‘lgan, ular o‘rtasidagi dastlabki bahsda Kuilli texnik nokaut evaziga g‘alaba qozongan.
Ma’lumot uchun, Usmon yengil vazn toifasida UFC sobiq chempioni Habib Nurmagomedovning amakivachchasi hisoblanadi.
Izoh (0)