Turkiya suv toshqinidan jabr ko‘rgan Pokistonga insonparvarlik yordami ortilgan beshta samolyot jo‘natdi. Bu haqda Turkiya Mudofaa vazirligiga tayanib, Reuters xabar bermoqda.
Qardosh yurtimiz Pokistonga gumanitar yordam yetkazishda davom etmoqdamiz. Prezident Rajab Toyyib Erdo‘g‘on buyrug‘i bilan tayyorlangan gumanitar yordam materiallarini olib ketayotgan beshinchi samolyot Anqara Etimesgut aeroportidan jo‘nab ketdi, — deyiladi vazirlik Twitter sahifasida.Bundan tashqari, poytaxt Anqaradan, misli ko‘rilmagan musson yomg‘irlari oqibatida 1 ming 100 nafardan ortiq odamning hayotiga zomin bo‘lgan Janubiy Osiyo davlatiga chodir va oziq-ovqat tashuvchi poyezd ham jo‘naydi, deya qo‘shimcha qildi Tabiiy ofatlar va favqulodda vaziyatlarni boshqarish raisligi.
Yomg‘ir va suv toshqini bilan bog‘liq baxtsiz hodisalarda 1,634 dan ortiq kishi jarohatlangan, 719 mingdan ortiq chorva mollari yo‘qolgan.
Shuningdek, mamlakat bo‘ylab 3451 kilometrdan ortiq yo‘l, 162 ko‘prik, 170 do‘kon va 949 858 turar-joy jiddiy zarar yetgan.
Pokistonning tabiiy ofatlarni boshqarish milliy boshqarmasining ma’lum qilishicha, mamlakatning 72 ta tumanida 33,4 millionga yaqin pokistonliklar davomiy yog‘ingarchilik va toshqinlardan jabr ko‘rgan.
Izoh (0)