Туркия сув тошқинидан жабр кўрган Покистонга инсонпарварлик ёрдами ортилган бешта самолёт жўнатди. Бу ҳақда Туркия Мудофаа вазирлигига таяниб, Reuters хабар бермоқда.
Қардош юртимиз Покистонга гуманитар ёрдам етказишда давом этмоқдамиз. Президент Ражаб Тоййиб Эрдўғон буйруғи билан тайёрланган гуманитар ёрдам материалларини олиб кетаётган бешинчи самолёт Анқара Этимесгут аэропортидан жўнаб кетди, — дейилади вазирлик Twitter саҳифасида.Бундан ташқари, пойтахт Анқарадан, мисли кўрилмаган муссон ёмғирлари оқибатида 1 минг 100 нафардан ортиқ одамнинг ҳаётига зомин бўлган Жанубий Осиё давлатига чодир ва озиқ-овқат ташувчи поезд ҳам жўнайди, дея қўшимча қилди Табиий офатлар ва фавқулодда вазиятларни бошқариш раислиги.
Ёмғир ва сув тошқини билан боғлиқ бахтсиз ҳодисаларда 1,634 дан ортиқ киши жароҳатланган, 719 мингдан ортиқ чорва моллари йўқолган.
Шунингдек, мамлакат бўйлаб 3451 километрдан ортиқ йўл, 162 кўприк, 170 дўкон ва 949 858 турар-жой жиддий зарар етган.
Покистоннинг табиий офатларни бошқариш миллий бошқармасининг маълум қилишича, мамлакатнинг 72 та туманида 33,4 миллионга яқин покистонликлар давомий ёғингарчилик ва тошқинлардан жабр кўрган.
Изоҳ (0)