Birlashgan Millatlar Tashkilotining yadroviy nazorat bo‘yicha 14 nafar ekspertidan iborat guruh shu hafta Ukraina janubi-sharqidagi Zaporojye atom elektr stansiyasiga rejalashtirilgan tashrif oldidan Kiyevga yetib keldi. Bu haqda CNN nashriga tayanib, “Kommersant” xabar bermoqda.
Missiyaga Atom energiyasi bo‘yicha xalqaro agentlik (MAGATE) bosh direktori Rafael Grossi boshchilik qilmoqda.
CNN ma’lumotlariga ko‘ra, bugun ertalab MAGATE delegatsiyasi a’zolarini Kiyevdagi mehmonxonalardan birida ko‘rishgan.
Tashrif Zaporojye atom elektr stansiyasining qayta o‘qqa tutilishi va ehtimoliy yadroviy avariya xavfi ortib borayotgan bir paytda amalga oshirilmoqda.
MAGATE stansiyaga tashrif chog‘ida to‘plangan faktlar, yadroviy xavfsizlik va xavfsizlikka oid tahdidlarni mustaqil baholashi zarur”, — deyiladi delegatsiya bayonotida.Avvalroq The Wall Street Journal nashri MAGATEning Zaporojye AESdagi missiyasi 31-avgustdan 3-sentabrgacha bo‘lib o‘tishini ma’lum qilgan edi.
Rossiya prezidenti matbuot kotibi Dmitriy Peskov, Rossiya tomoni MAGATEni tekshirishdan manfaatdor ekanini aytdi. U missiyani tayyorlashda Rossiya ham ishtirok etganini qayd etdi. Uning so‘zlariga ko‘ra, muzokaralarda Rossiya tomoni, jumladan, harbiylar ham ishtirok etmoqda.
Izoh (0)