Muqtada as-Sadr siyosatni tark etishi munosabati bilan Bag‘dodda boshlangan norozilik namoyishlari va tartibsizliklar qurbonlari soni 30 kishiga yetdi. Bu haqda Mehrnews agentligi xabar bermoqda.
Voqea oqibatida 700 ga yaqin odam, jumladan, xavfsizlik kuchlarining 110 nafar xodimi yaralangan.
Namoyishlar bir kun avval as-Sadr siyosatdan ketishi va inson huquqlari bo‘yicha sobiq vazir Muhammad al-Sudaniyning hukumat rahbari etib tayinlanishi e’lon qilgani munosabati bilan boshlangan edi.
Keyin yuzlab odamlar iroqlik siyosatchilarning xorijlik hamkasblari bilan uchrashadigan asosiy joyi bo‘lgan mamlakat parlamentiga bostirib kirdi.
Bu voqealar sabab, Iroq hukumati butun mamlakat bo‘ylab komendantlik soati e’lon qildi. Biroq shunga qaramay, poytaxtda ham, mamlakatning boshqa bir qancha mintaqalarida ham namoyishlar davom etmoqda.
Mavzuga doir:
Izoh (0)