Loyihada yangi ishtirokchilar o‘zini suratga tushirish jarayonidagi rollardan birida sinab ko‘rdilar. Payme uchun reklama kampaniyasi “Poligon”ning birinchi loyihasiga aylandi.
Avgustda Abstract Visuals va Shoom Production studiyalari qo‘shma “Poligon” loyihasini ishga tushirdi. Bu yangi ishtirokchilar uchun nafaqat operatorlik va rejissura sohasida, balki suratga olishning boshqa ahamiyatli yo‘nalishlarida — kasting, liboslar, rekvizit, lokeyshn va boshqa sohalarda ham ishlab ko‘rish imkoniyatidir. Loyiha maqsadi — tajribasi bo‘lmagan intiluvchan yoshlarga o‘zini prodakshen sohasida sinab ko‘rish imkoniyatini berish va iqtidorlarni aniqlashdir.
Bu borada Payme djuniorlarni qo‘llab-quvvatlagan va o‘z reklama kampaniyasini ishonib topshirgan birinchi brend bo‘ldi. Ushbu kompaniya uchun “poligonliklar” beshta rolikni suratga olishdi.
Bu qanday kechdi?
Payme suratga olish jarayoniga tayyorgarlik suratga olish jarayonida ishtirok etishni istagan 70 nafar talabgorlarni jamlagan tadbirdan boshlandi. Ishtirokchilar kasting, lokeyshn, badiiy i rekvizitli qism, sahna liboslari va prodjekt-menejment kabi bir nechta departamentlarga taqsimlandi.
Pre-prodakshn bosqichida har bir departamentning, ularning bajarilishi boshqa bo‘limlarning ishiga ham ta’sir ko‘rsatadigan o‘z vazifalari mavjud edi. Chunki suratga olish — bu shunchaki xursandchilik va kamera ortida ishlash emas. Bu og‘ir mehnat bo‘lib, har bir “bo‘g‘in”ga katta mas’uliyat yuklatilgan uzun ishlar zanjiridir.
Badiiy departament. Payme uchun suratga olishda katta hajmdagi ish ularning zimmasiga tushdi. “Badiiychilar” pavilyonda sikloramani bo‘yadilar, har bir rolik uchun anjom va ashyo izladilar, bir nechta bozorni kezib, yangi pudratchilarni topdilar va dekoratsiyalarni tayyorladilar.
Yakunda badiiy departamentda 22 nafar kishidan faqat 5−6 nafar faollar qoldi, xolos. Ularda 3 nafarini esa allaqachon boshqa prodakshnlarga faol taklif qilishmoqda.
Kasting departamenti. 16 nafar aktyorni izlab topish ularning zimmasidagi vazifa edi. Dastlab har bir kishi alohida izlagan bo‘lsa, keyinchalik birlashib harakat qildilar. Har bir potensial aktyor bilan jamoa kasting o‘tkazib, kerakli kishilarni topishga erishdi.
«Dastlab men kasting to‘g‘risida ham, umuman prodakshn to‘g‘risida ham hech nimani bilmasdim. Angelinaning tushuntirish va saboqlari tufayli birinchi kundanoq reklamaga 80 nafardan ortiq kishini jalb qilishga erishdim. Mening Telegram akkauntim reklamadan manfaatdor kishilarning xabarlaridan portlab ketay dedi. Endilikda bisotimda Payme‘ning ushbu reklamasi evaziga 250 nafardan ko‘p aktyorning ma’lumotlari mavjud», – deb tasurotlarini bo‘lishdi ishtirokchi Malika.
Dastavval departamentda 13 nafar yangi ishtirokchilar bor edi. Ularning sirasidan faqat 9 nafar faoli vazifani uddalab, suratga olish maydonchasiga tushdi. Ikki nafarini boshqa loyihalarga faol jalb qilishmoqda.
Loyiha menejerlari (projekt-menejerlar) departamenti. Ushbu departamentga barcha bolalar prodyuser bo‘lish boshlang‘ich talabi bilan kelgandilar. Ammo bir karra suratga olib prodyuser bo‘lishning iloji yo‘q. Bu uzoq davom etadigan jarayon, buning uchun boshqa departamentlarda ishlashga urinib ko‘rish lozim.
Ayrimlar faol harakat qilib, turli ishlarga qo‘l urib ko‘rdilar: prezentatsiyalarni to‘pladilar, tayyorgarlik bosqichida ofis ishlari bilan shug‘ullanib, hujjatlar bilan ishladilar. Bolalarning bir qismi servis jamoasiga yordam ko‘rsatdilar: suratga olish maydonchasi uchun xaridlarni amalga oshirishdi, tushlik tamaddini tashkillashtirishdi va maydonchada shinamlikni ta’minladilar.
“Hujjatlarni tuzish va ular bilan ishlash to‘g‘risidagi bilimlar bilan o‘rtoqlashishgani yoqib tushdi. Shuningdek, nafaqat projekt va servisni o‘rganganimiz, balki boshqa departamentlar qay tariqa ishlayotganini amalda ko‘rganimizni ham foydali hisoblayman”, – deb hikoya qiladi ishtirokchi Shohsanam.
Dastlab loyihalar departamentida 22 nafar kishi bor edi. Suratga olishga 16 nafari chiqdi. Ayrimlar allaqachon boshqa loyihalarga ham chiqib, tajriba to‘plash uchun boshqa departamentlarda ham o‘zlarini sinab ko‘ryapti.
Kostyumlar departamenti. Unga dastlab kam sonli bolalar ishtirok uchun yozildilar, maydonchada yakunda faqat uch nafar kishi ishladi. Kimdir omborda bo‘lib, o‘sha yerda materiallarni izlagan bo‘lsa, boshqalar xaridga ketdi. Hozir ularni ham yangi loyihalarga jalb qilmoqda.
«Eng boshda “Poligon“ga joylasha olmadim. Ammo deyarli ketib ulgurgan poyezdning so‘nggi vagoniga sakrab kirib, kostyumchilikka tushdim. Mudbordni tayyorlash, omborga borib kelish, buyumlarni olib kelish uchun TSga safar qilish. Go‘yoki barchasi oddiydek va terlab-pishib ishlashga hojat yo‘qdek. Ammo har joyda o‘z jihatlari borkim, ularni e’tiborga olish lozim. Ha, yugurish, tashvish tortishga to‘g‘ri keldi. Ammo qay bir darajada bu qiziqarli edi ham. Oyoqlarning toliqishi, uyquga to‘ymaslik va boshqa ikir-chikirlarga qaramasdan, ishimdan qoniqdim. Suratga olish jarayoni ham, unga tayyorgarlik ham xotiramda iliq taassurotlarni qoldirdi», – deydi Andrey.
Lokeyshn-departament. Suratga olish pavilyonda bo‘lani tufayli lokatsiya departamentining vazifalari bisyor emasdi. Ammo tafsilotlar to‘g‘risida kelishish, vazifa uchun mos pavilyon izlab topish, sikloramani bo‘yash imkoniyat to‘g‘risida kelishib olish lozim edi. Dastlab departament tarkibiga 11 kishi yozilgan bo‘lsa, yakunda 3 kishi qolib, ular hozir yangi loyihalarga jalb qilinmoqda.
Murakkab jihatlari nimadan iborat edi?
Hamma ham “qo‘l” bilan ishlashga yoki murakkab vazifalarni hal qilishga tayyor emasdi. Ko‘pchilik, videoni yaratish besh soniya vaqt va bir dona kameraning ishi deb hisoblaydi. Shu sabab muratga olishgacha barcha ham yetib borolmaydi. “Poligon” loyihasi o‘ziga xos tabiiy tanlov bo‘lib, vaqtini xushchaqchaq o‘tkazish yoki barchasiga chetdan nazar tashlash istagida bo‘lganlar undan o‘ta olmaydi.
«Shu paytgacha men frilansda kasting-direktor edim. Bu men uchun murakkab bo‘lmaydi degan fikrda edim. Oqibatda, ko‘p narsalarni bilmasligim ma’lum bo‘ldi. Yangi bilim va tajriba uchun kuratorimiz Angelinadan minnatdorman. Pre-prodakshnda departamentimizda feyllar bor edi. Ammo biz jamoa bo‘lib ishlashga, xatolarimizni to‘g‘rilashga, bir-birimizni to‘ldirishga intildik», – deb taassurotlarini bo‘lishdi Davlat.
Yakunda nimaga erishildi?
Ko‘p kunlik ish natijasida Payme reklama kampaniyasi beshta videorolik bilan boyidi. Quyidagi havola bo‘yicha yakuniy videolarni ko‘rib, “poligonchilar”ning natijalariga baho berish mumkin.
Reklama huquqi asosida.
Izoh (0)