Лойиҳада янги иштирокчилар ўзини суратга тушириш жараёнидаги роллардан бирида синаб кўрдилар. Payme учун реклама кампанияси «Полигон»нинг биринчи лойиҳасига айланди.
Августда Abstract Visuals va Shoom Production студиялари қўшма «Полигон» лойиҳасини ишга туширди. Бу янги иштирокчилар учун нафақат операторлик ва режиссура соҳасида, балки суратга олишнинг бошқа аҳамиятли йўналишларида — кастинг, либослар, реквизит, локейшн ва бошқа соҳаларда ҳам ишлаб кўриш имкониятидир. Лойиҳа мақсади — тажрибаси бўлмаган интилувчан ёшларга ўзини продакшен соҳасида синаб кўриш имкониятини бериш ва иқтидорларни аниқлашдир.
Бу борада Payme дjuniorларни қўллаб-қувватлаган ва ўз реклама кампаниясини ишониб топширган биринчи бренд бўлди. Ушбу компания учун «полигонликлар» бешта роликни суратга олишди.
Бу қандай кечди?
Payme суратга олиш жараёнига тайёргарлик суратга олиш жараёнида иштирок этишни истаган 70 нафар талабгорларни жамлаган тадбирдан бошланди. Иштирокчилар кастинг, локейшн, бадиий и реквизитли қисм, саҳна либослари ва проджект-менежмент каби бир нечта департаментларга тақсимланди.
Пре-продакшн босқичида ҳар бир департаментнинг, уларнинг бажарилиши бошқа бўлимларнинг ишига ҳам таъсир кўрсатадиган ўз вазифалари мавжуд эди. Чунки суратга олиш — бу шунчаки хурсандчилик ва камера ортида ишлаш эмас. Бу оғир меҳнат бўлиб, ҳар бир «бўғин»га катта масъулият юклатилган узун ишлар занжиридир.
Бадиий департамент. Payme учун суратга олишда катта ҳажмдаги иш уларнинг зиммасига тушди. «Бадиийчилар» павильонда циклорамани бўядилар, ҳар бир ролик учун анжом ва ашё изладилар, бир нечта бозорни кезиб, янги пудратчиларни топдилар ва декорацияларни тайёрладилар.
Якунда бадиий департаментда 22 нафар кишидан фақат 5−6 нафар фаоллар қолди, холос. Уларда 3 нафарини эса аллақачон бошқа продакшнларга фаол таклиф қилишмоқда.
Кастинг департаменти. 16 нафар актёрни излаб топиш уларнинг зиммасидаги вазифа эди. Дастлаб ҳар бир киши алоҳида излаган бўлса, кейинчалик бирлашиб ҳаракат қилдилар. Ҳар бир потенциал актёр билан жамоа кастинг ўтказиб, керакли кишиларни топишга эришди.
«Дастлаб мен кастинг тўғрисида ҳам, умуман продакшн тўғрисида ҳам ҳеч нимани билмасдим. Ангелинанинг тушунтириш ва сабоқлари туфайли биринчи кунданоқ рекламага 80 нафардан ортиқ кишини жалб қилишга эришдим. Менинг Telegram аккаунтим рекламадан манфаатдор кишиларнинг хабарларидан портлаб кетай деди. Эндиликда бисотимда Payme‘нинг ушбу рекламаси эвазига 250 нафардан кўп актёрнинг маълумотлари мавжуд», – деб тасуротларини бўлишди иштирокчи Малика.
Даставвал департаментда 13 нафар янги иштирокчилар бор эди. Уларнинг сирасидан фақат 9 нафар фаоли вазифани уддалаб, суратга олиш майдончасига тушди. Икки нафарини бошқа лойиҳаларга фаол жалб қилишмоқда.
Лойиҳа менежерлари (прожект-менежерлар) департаменти. Ушбу департаментга барча болалар продюсер бўлиш бошланғич талаби билан келгандилар. Аммо бир карра суратга олиб продюсер бўлишнинг иложи йўқ. Бу узоқ давом этадиган жараён, бунинг учун бошқа департаментларда ишлашга уриниб кўриш лозим.
Айримлар фаол ҳаракат қилиб, турли ишларга қўл уриб кўрдилар: презентацияларни тўпладилар, тайёргарлик босқичида офис ишлари билан шуғулланиб, ҳужжатлар билан ишладилар. Болаларнинг бир қисми сервис жамоасига ёрдам кўрсатдилар: суратга олиш майдончаси учун харидларни амалга оширишди, тушлик тамаддини ташкиллаштиришди ва майдончада шинамликни таъминладилар.
«Ҳужжатларни тузиш ва улар билан ишлаш тўғрисидаги билимлар билан ўртоқлашишгани ёқиб тушди. Шунингдек, нафақат прожект ва сервисни ўрганганимиз, балки бошқа департаментлар қай тариқа ишлаётганини амалда кўрганимизни ҳам фойдали ҳисоблайман», – деб ҳикоя қилади иштирокчи Шоҳсанам.
Дастлаб лойиҳалар департаментида 22 нафар киши бор эди. Суратга олишга 16 нафари чиқди. Айримлар аллақачон бошқа лойиҳаларга ҳам чиқиб, тажриба тўплаш учун бошқа департаментларда ҳам ўзларини синаб кўряпти.
Костюмлар департаменти. Унга дастлаб кам сонли болалар иштирок учун ёзилдилар, майдончада якунда фақат уч нафар киши ишлади. Кимдир омборда бўлиб, ўша ерда материалларни излаган бўлса, бошқалар харидга кетди. Ҳозир уларни ҳам янги лойиҳаларга жалб қилмоқда.
«Энг бошда «Полигон«га жойлаша олмадим. Аммо деярли кетиб улгурган поезднинг сўнгги вагонига сакраб кириб, костюмчиликка тушдим. Мудбордни тайёрлаш, омборга бориб келиш, буюмларни олиб келиш учун Цга сафар қилиш. Гўёки барчаси оддийдек ва терлаб-пишиб ишлашга ҳожат йўқдек. Аммо ҳар жойда ўз жиҳатлари борким, уларни эътиборга олиш лозим. Ҳа, югуриш, ташвиш тортишга тўғри келди. Аммо қай бир даражада бу қизиқарли эди ҳам. Оёқларнинг толиқиши, уйқуга тўймаслик ва бошқа икир-чикирларга қарамасдан, ишимдан қониқдим. Суратга олиш жараёни ҳам, унга тайёргарлик ҳам хотирамда илиқ таассуротларни қолдирди», – дейди Андрей.
Локейшн-департамент. Суратга олиш павильонда бўлани туфайли локация департаментининг вазифалари бисёр эмасди. Аммо тафсилотлар тўғрисида келишиш, вазифа учун мос павильон излаб топиш, циклорамани бўяш имконият тўғрисида келишиб олиш лозим эди. Дастлаб департамент таркибига 11 киши ёзилган бўлса, якунда 3 киши қолиб, улар ҳозир янги лойиҳаларга жалб қилинмоқда.
Мураккаб жиҳатлари нимадан иборат эди?
Ҳамма ҳам «қўл» билан ишлашга ёки мураккаб вазифаларни ҳал қилишга тайёр эмасди. Кўпчилик, видеони яратиш беш сония вақт ва бир дона камеранинг иши деб ҳисоблайди. Шу сабаб муратга олишгача барча ҳам етиб боролмайди. «Полигон» лойиҳаси ўзига хос табиий танлов бўлиб, вақтини хушчақчақ ўтказиш ёки барчасига четдан назар ташлаш истагида бўлганлар ундан ўта олмайди.
«Шу пайтгача мен фрилансда кастинг-директор эдим. Бу мен учун мураккаб бўлмайди деган фикрда эдим. Оқибатда, кўп нарсаларни билмаслигим маълум бўлди. Янги билим ва тажриба учун кураторимиз Ангелинадан миннатдорман. Пре-продакшнда департаментимизда фейллар бор эди. Аммо биз жамоа бўлиб ишлашга, хатоларимизни тўғрилашга, бир-биримизни тўлдиришга интилдик», – деб таассуротларини бўлишди Давлат.
Якунда нимага эришилди?
Кўп кунлик иш натижасида Payme реклама кампанияси бешта видеоролик билан бойиди. Қуйидаги ҳавола бўйича якуний видеоларни кўриб, «полигончилар»нинг натижаларига баҳо бериш мумкин.
Реклама ҳуқуқи асосида.
Изоҳ (0)