26-avgust kuni AKFA Visitor Center’da kompaniya mutaxassislari qiziqish bildirganlarga alyumin kompozit panellarining yangilangan modellar turkumini namoyish etib, ularning xususiyatlari va materialdan foydalanish sohalari bilan tanishtirdi. Shuningdek, FR A2 yonmaydigan alyumin kompozit panellarining yangi turi anons qilindi.
Ko‘p yillardan beri AKFA alyumin kompozit panellari o‘zining mustahkamligi, uzoq xizmat qilishi, amaliy jihatdan qulayligi bilan bozorda ishonch qozongan. Ular har qanday fasadga zamonaviy qiyofa baxsh etish imkonini beradi, tez va oson o‘rnatiladi, hamyonbopligi bilan ajralib turadi.
Qurilish materiallari yo‘nalishidagi rahbarlar va kompaniyaning mutaxassislari so‘zlagan nutqida olovning qurilish materiallarga ta’sirini o‘rganishga, binolarni bunyod etishda insonlar himoyasi va xavfsizligi ustuvorligiga alohida e’tibor qaratdi.
Texnolog-mutaxassislardan birining aytishicha, AKFA yonmaydigan alyumin kompozit panellarining ishlab chiqarilishi asosida patentlangan mineral to‘ldirgich qo‘llanilib, u poliyetilen to‘ldirgichdan farqli ravishda olovga chidamlilikning yuqoriroq ko‘rsatkichiga ega. O‘rta qatlamning o‘ziga xos tarkibi esa avtomatik yonib ketishni istisno qiladi va tutun hosil bo‘lishi darajasini salmoqli pasaytiradi.
Ma’lumot uchun, FR A2 AKFA yonmaydigan alyumin kompozit panellari “Xavfsizlik va sifat” ko‘ngilli sertifikatsiya tizimida (Rossiya) G1 tasnifi bo‘yicha hamda Sinovlar va sertifikatsiya institutida (INSTITUT PRO TESTOVÁNÍ A CERTIFIKACI) barcha sinovlardan muvafaqqiyatli o‘tib, natijalarga ko‘ra mahsulotga A2 yonmaslik (olov bilan to‘qnashganda yonmaslik) toifasi berildi. Shuningdek, mahsulot “O‘zStandart” agentligining muvofiqlik sertifikatiga ega.
Hamkorlik tarmog‘ining kompaniya faoliyatiga qiziqishini “savol-javob” sessiyasi ochgan bo‘lib, jarayonda tadbirkorlar o‘zaro tanishish, manfaatlar birlashgan nuqtalarni topish, muvafaqqiyatli loyihalar bilan bo‘lishish va qurilish materiallari sohasini rivojlantirishning istiqbolli rejalarini muhokama qilish imkoniyatiga ega bo‘ldi.
Visitor Center bo‘ylab ekskursiya davomida hamkorlar o‘z takliflarini bildirib, kompaniya bilan keng ko‘lamli hamkorlikka tayyor ekanliklarini ma’lum qildi.
AKFA Group matbuot xizmati
Qo‘shimcha ma’lumot uchun telefon: (+998 71) 203-00-00Sayt: www.akfagroup.com
Reklama huquqi asosida.
Izoh (0)