29-avgust kuni COVAX mexanizmi doirasida O‘zbekistonga 201 600 dona Pfizer bolalar uchun COVID-19 vaksinasi keltirildi. Bu haqda Sanitariya-epidemiologik osoyishtalik va jamoat salomatligi xizmati xabar qildi.
Qayd etilishicha, Yevropa Ittifoqi va Shveytsiya hukumatining ushbu xayriyasi Sog‘liqni saqlash vazirligining 5—11 yoshli bolalarni vaksinatsiya bilan qamrab olish va mamlakatda COVID-19 ning yangi shtammlari tarqalishining oldini olish bo‘yicha sa’y-harakatlarini qo‘llab-quvvatlaydi.
“O‘zbekistonda bolalarni Pfizer vaksinalari bilan ixtiyoriy ravishda koronavirus infeksiyasiga qarshi emlash xalqaro va milliy ekspertlarning tavsiyalari hamda aholi murojaatlari asosida tasdiqlangan. Bugun olingan 201 600 doza bolalar vaksinasi O‘zbekistonda bolalarni COVID-19 dan himoya qilishga yordam beradi”, — deydi Sanitariya-epidemiologik osoyishtalik xizmati boshlig‘i Bahodir Yusupaliyev.
Bugungi kunga qadar O‘zbekistonga COVAX mexanizmi orqali jami 21,2 million doza COVID vaksinalari yetkazilgan. Jumladan:
- Astra-Zeneca – 2,15 million;
- Moderna – 10,68 million;
- Pfizer – 6,62 million;
- Sinovac – 1,77 million doza.
Izoh (0)