28-avgust kuni Toshkent–London yo‘nalishidagi HY-201 aviaqatnovida yo‘lovchilar yuklari o‘z manziliga yetkazilmadi. Bu haqda Uzbekistan Airways xabar qildi.
Qayd etilishicha, bunga Airbus 320neo havo kemasining cheklangan tijorat yuklanishi sabab bo‘lgan. Bortga yuklanmagan yuklarning umumiy soni 119 o‘rinni tashkil etadi, bu esa 2210 kg miqdorida bo‘lganini anglatadi.
Ayni paytda HY-201 reysi yo‘lovchilarining yuklari Islom Karimov nomidagi Toshkent xalqaro aeroportida joylashgan bo‘lib, 30-avgust kuni HY-201 reysi bilan Londonga yetkaziladi. Yuk barcha yo‘lovchilarga yetkazib berish xizmati tomonidan ko‘rsatilgan manzilga bepul yetkazib beriladi.
“Qo‘shimcha ma’lumot olish uchun HY-201 aviaqatnovi yo‘lovchilari aviakompaniyaning Londondagi vakolatxonasi 02070342090 raqami yoki elektron manzillari “Lon@uzairways.com” va “London@uzairways.co.uk” manzili orqali murojaat qilish mumkin.
Keltirilgan noqulayliklar uchun uzr so‘raymiz”, — deyiladi xabarda.
Izoh (0)