O‘zbekiston Birlashgan Arab Amirliklaridagi elchixonasida “Capton energy” kompaniyasi vakillari bilan uchrashuv bo‘lib o‘tdi, deb xabar bermoqda Dunyo axborot agentligi.
Qayd etilishicha, muloqot chog‘ida O‘zbekistonda energetika sohasida amalga oshirilayotgan islohotlar, avtomobilsozlikda qayta tiklanuvchi energiyaga asoslangan transport vositalari ishlab chiqarish va elektronika sohasida ehtiyot qismlar tayyorlash bo‘yicha loyihalar haqida so‘zlab berilgan.
“Capton energy” vakillari, o‘z navbatida, O‘zbekistonda energetika va boshqa sohalarda hamkorlik qilish uchun istiqbollar kengligini ta’kidlab, kichik hajmdagi quyosh energiyasiga asoslangan energetika loyihalarini amalga oshirish, avtomobillarga energiya berish shoxobchalari tarmog‘ini tashkil etishga qiziqish bildirgan.
Uchrashuvda kompaniya delegatsiyasining O‘zbekistonga amaliy safarini tashkil etish, mamlakat vazirlik va idoralarida muzokaralar o‘tkazib, hamkorlik istiqbollarini belgilab olish bo‘yicha kelishuvga erishilgan.
Izoh (0)